بۇگىن پارلامەنت ءماجىلىسى توراعاسىنىڭ ورىنباسارى گ.يسيمباەۆانىڭ توراعالىق ەتۋىمەن پارلامەنتتەگى «نۇر وتان» فراكتسياسىنىڭ جينالىسى ءوتتى, دەپ حابارلايدى ءماجىلستىڭ ءباسپاسوز قىزمەتى.
- ەلباسىنىڭ جولداۋى قوعامنىڭ ەكونوميكالىق, ساياسي, رۋحاني سالاسىن جاڭعىرتۋدىڭ كەشەندى باعدارلاماسى. بۇل دامىعان 30 ەلدىڭ قاتارىنا كىرۋدىڭ العاشقى قادامى. جولداۋدى ىسكە اسىرۋدا دەپۋتاتتار – «نۇر وتان» پارتياسى فراكتسياسىنىڭ مۇشەلەرى تىكەلەي بەلسەندى قاتىسادى – دەدى, گ.يسيمباەۆا.
وتىرىستا دەپۋتاتتار م.پىشەمباەۆ, ا.جامالوۆ, ءا. بەكتۇرعانوۆ, ز.امانجولوۆا جولداۋداعى يندۋستريالاندىرۋ جاڭا تەحنولوگيالاردى ەنگىزۋدىڭ كوشباسشىسىنا اينالۋى, «اقىلدى تەحنولوگيالار» – اگروونەركاسىپ كەشەنىن قارقىندى دامىتۋ, قارجى سەكتورىن «قايتا جاڭعىرتۋ», نەگىزگى مەديتسينالىق قىزمەت كورسەتۋدى تسيفرلاندىرۋ باعىتتارىنداعى ماسەلەلەرگە جان-جاقتى توقتالدى.
ءوز كەزەگىندە دەپۋتات م. پىشەمباەۆ: «جولداۋدا بەلگىلەنگەن ون باعىتتىڭ ءبىرىنشىسى, جاڭا تەحنولوگيالاردى ەندىرۋدىڭ فلاگمانى يندۋستريالاندىرۋ ەكەندىگىن اتاپ ءوتىپ, ەكونوميكانىڭ نەگىزگى تەحنيكالىق قايتا قۇرۋدىڭ درايۆەرى بولىپ سانالاتىن ماشينا جاساۋدى دامىتۋ ماسەلەلەرى بويىنشا پارلامەنتتىك تىڭداۋ وتكىزۋدى ۇسىندى.
دەپۋتات س.وماروۆ بولسا اۋىل شارۋاشىلىعىن قايتا وڭدەۋ, ساقتاۋ جانە لوگيستيكا وندىرىستەرىنە IT-تەحنولوگياسى سالاسىنا ەرەكشە كوڭىل بولسە, دەپۋتات ا.م.جامالوۆ قازاقستان رەسپۋبليكاسىنىڭ پرەزيدەنتىنە تىكەلەي باعىناتىن قارجى ۇيىمدارىن جانە قارجى نارىعىن رەتتەۋ مەن باقىلاۋ جونىندەگى اگەنتتىك قۇرۋعا باستاماشىلىق جاساۋدى ۇسىندى.
ال, دەپۋتات ءا.بەكتۇرعانوۆ بيۋدجەت سالاسىنداعى ەڭبەكاقى تولەۋ مەحانيزمدەرىن قايتا قاراۋ قاجەتتىلىگىنە توقتالدى.
دەپۋتات ز.امانجولوۆا تەگىن كەپىلدى مەديتسينالىق كومەك كورسەتۋدىڭ جاڭا مودەلىن قالىپتاستىرۋ جانە جوعارى بىلىكتى مەديتسينا مامااندارىن دايارلاۋ قاجەتتىلىكتەرىنە كوڭىل ءبولدى.
«نۇر وتان» پارتياسى فراكتسياسىنىڭ مۇشەلەرى مەملەكەت باسشىسىنىڭ كەزەكتى جولداۋى حالىقتىڭ ءال-اۋقاتىن جاقسارتۋداعى ماڭىزدى رولىنە توقتالىپ, جولداۋدى ءبىراۋىزدان قولدادى.
فراكتسيا قازاقستاندىقتاردى جىلدىڭ باستى ساياسي قۇجاتىن تالقىلاۋعا جانە تۇسىندىرۋگە بەلسەندى قاتىسۋعا شاقىردى.
جينالىستا جولداۋدى ىسكە اسىرۋ جونىندەگى فراكتسيانىڭ ءىس-شارالار جوسپارى بەكىتىلدى. وندا جولداۋدىڭ نەگىزگى قاعيدالارىن زاڭنامالىق تۇرعىدان بەكىتۋ, اقپاراتتىق-ءتۇسىندىرۋ جۇمىستارى جانە جولداۋدا بەلگىلەنگەن مىندەتتەردى ناقتى ىسكە اسىرۋ جونىندە فراكتسيانىڭ, فراكتسيا جانىنداعى كونسۋلتاتيۆتىك-كەڭەسشى ورگانداردىڭ ءىس-شارالارى قاراستىرىلعان. جينالىستىڭ قورىتىندىسى بويىنشا فراكتسيا قاۋلىسى قابىلداندى.
جينالىس جۇمىسىنا «نۇر وتان» پارتياسىنىڭ حاتشىسى ق.جۇماشەۆ, قازاقستان حالقى اسسامبلەياسىنان سايلانعان دەپۋتاتتار, قازاقستان رەسپۋبليكاسى پرەزيدەنتى اكىمشىلىگى جانە قازاقستان رەسپۋبليكاسى پرەمەر-ءمينيسترى كەڭسەسى وكىلدىگىنىڭ باسشىلارى, بۇقارالىق اقپارات قۇرالدارىنىڭ وكىلدەرى قاتىستى.