بيىل وڭتۇستىكتە 7 مىڭ ادامدى قىسقا مەرزىمدى كاسىپتىك وقۋعا جولداۋ جوسپارلانىپ وتىر. سونىڭ ىشىندەگى ماڭىزدىسى - «وڭتۇستىكتىڭ قولونەرشىسى» كۋرسى بولماق.
اتالعان كۋرسقا قاتىسۋشىلارعا اي سايىن 16 759 تەڭگە كولەمىندە ستيپەنديا تولەنەدى. سونداي-اق, باسقا ەلدى مەكەننەن كەلۋشىلەرگە جول ءجۇرۋ اقىسى رەتىندە 9 620 تەڭگە, تۇرعىن ءۇيدى جالداۋعا 12 025 تەڭگە تولەنەتىن بولادى. كۋرستى ۇزدىك بىتىرگەن 20 تۇلەككە وبلىس اكىمىنىڭ ارنايى گرانتى رەتىندە 240 مىڭ تەڭگە تاعايىندالىپ وتىر. جالپى وڭتۇستىك قازاقستان وبلىسىندا ەلباسىنىڭ «بولاشاققا باعدار: رۋحاني جاڭعىرۋ» باعدارلاماسى اياسىندا «وڭتۇستىك قولونەرشىسى» پيلوتتىق جوباسى بويىنشا 300 قولونەرشى 3 ايلىق مەرزىمدى وقۋمەن قامتىلاتىن بولادى. ۇستازدارعا دا جالاقى تولەنەدى. مىسالى, مامانداردى وقىتۋمەن اينالىساتىن قولونەر شەبەرلەرىنە ءار وقۋشىنى وقىتقانى ءۇشىن اي سايىن 30 مىڭ تەڭگەدەن تولەنبەك. ديپلومى بار قولونەر شەبەرلەرى ساباق بەرۋگە نەمەسە تاجىريبەلىك تالىمگەر شەبەرى رەتىندە جۇمىسقا تارتىلاتىن بولادى.
شىمكەنت قالاسىنداعى بەيسبەكوۆتەر وتباسىلىق جەكە «التىن وردا» گالەرەياسىنىڭ جۇمىسىمەن تانىسۋ بارىسىندا وبلىس جوبا بويىنشا قولونەرگە بارىنشا قولداۋ كورسەتىلەتىنىن اتاپ ءوتتى. «التىن وردا» گالەرەياسىنىڭ شەبەرحانالارىندا الاشا, كىلەم, تەرى, زەرگەر, كەراميكا, توقىما بۇيىمدارى قويىلعان قولونەر شەبەرلەرىنىڭ كورمەسى ۇيىمداستىرىلدى.
– ۇلتتىق ونەرىمىزدى ۇلىقتايتىن مۇنداي ەرەكشە جوبا وڭتۇستىك وڭىرىندە وبلىس اكىمى ج.تۇيمەباەۆتىڭ باستاماسىمەن العاش رەت قولعا الىنىپ وتىر. رۋحاني جاڭعىرۋ اياسىندا جۇزەگە اساتىن بۇل جوبا قازاقتىڭ اتا كاسىبىن, سالت-ءداستۇرىن ناسيحاتتاۋعا كەرەمەت مۇمكىندىك تۋعىزادى. ءتۋريزمدى دامىتۋعا دا تىكەلەي ىقپالى تيەدى. باستامانىڭ ناتيجەسىندە نەبىر تالانتتى شەبەر جاستاردىڭ ءوسىپ شىعاتىنىنا سەنىمىم كامىل, - دەيدى قازاقستان قولونەر شەبەرلەرى وداعىنىڭ وبلىستىق فيليالىنىڭ توراعاسى بولاتبەك بەيسبەكوۆ.
عالىمجان ەلشىباي,
«ەگەمەن قازاقستان»