بيىل وڭتۇستىك قازاقستان وبلىسى سايرام اۋدانىندا 52 ملرد. تەڭگەنىڭ اۋىل شارۋاشىلىعى ءونىمى وندىرىلگەن.
ال ەگىستىك كولەمى 49 مىڭ گەكتارعا جەتىپ, تامشىلاتىپ سۋارۋ ءادىسى 624 گەكتاردا قولدانىلۋدا. بۇل جەتىستىكتەردى الداعى جىلدا دا ارتتىرا ءتۇسۋ ءۇشىن, اۋدانىڭ پوتەنتسيالىن بارلىق سالادا ءتيىمدى پايدالۋىمىز قاجەت. بۇگىن بۇل تۋرالى سايرام اۋدانىندا وتكەن «التىن كۇز» مەرەكەسىنە قاتىسقان وبلىس اكىمى جانسەيىت تۇيمەباەۆ ءمالىم ەتتى.
ءوڭىر باسشىسى اۋدانعا ءىسساپارى بارىسىندا بىرقاتار الەۋمەتتىك نىسانداردىڭ جۇمىسىمەن دە تانىستى. سونىڭ ءبىرى – مۇحتار ورازاليەۆ اتىنداعى «ۇلان» سپورت كەشەنى بولاتىن. جوبالىق قۇنى 120 ملن تەڭگەنى قۇرايتىن كەشەن ەلىمىزدەگى بارلىق جاستاعى اياقدوپشىلار ءۇشىن قولايلى جاعدايلار جاسالعان. جالپى الاڭى 1,5 گەكتاردى قۇرايتىن نىساندا ەكى ۇلكەن, 2 كىشى فۋتبول الاڭشالارى جۇمىس ىستەيدى. مۇندا جاس سپورتشىلاردىڭ جىل ون ەكى اي سپورتپەن شۇعىلدانۋىنا بارلىق مۇمكىندىكتەر قاراستىلعان. 2011 جىلى ىسكە قوسىلعان كەشەننىڭ جايلى قوناق ءۇيى, سپورتپەن شۇعىلدانۋ جانە جۋىناتىن بولمەلەرى دە بار.
وبلىس اكىمى جاس سپورتشىلاردى باۋلۋعا ۇلەس قوسىپ وتىرعان كەشەننىڭ جۇمىسىنا وڭ باعاسىن بەرىپ, الەۋمەتتىك از قامتاماسىز ەتىلگەن وتباسى بالالارىنا دا قولعابىس ءبىلدىرىپ تۇرۋعا كەڭەس بەردى.
مۇنان سوڭ وبلىس اكىمى ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسى نەگىزىندە نەسيە العان جەكە كاسىپكەر ۋلۋگبەك يرساليەۆتىڭ شارۋاشىلىعىنا اتباسىن بۇردى. مال شارۋاشىلىعىن دامىتۋدى ماقسات تۇتقان كاسىپكەر تاياۋدا «ىرىس» شاعىن نەسيە ۇيىمى ارقىلى 5 ملن تەڭگە نەسيە الىپتى. ول قارجىعا 34 باس مال ساتىپ الىپ, بورداقىلاپتى. بۇگىندە ونىڭ قوراسىندا 20 باس ءىرى قارا مال بار. نەبارى 14 سوتتىق ءۇي ىرگەلىك جەر تەلىمىن ءتيىمدى پايدالانىپ وتىرعان كاسىپكەردى جۇمىسىنا رازى بولعان اكىم وبلىستىڭ وزگە تۇرعىندارىنا ءۇي ىرگەلىك كاسىپتىڭ تيىمدىلىگىن ۇيرەنۋگە شاقىردى.
«قانداي كەرەمەت. ءۇيىڭىزدىڭ اۋلاسى تار بولاسا دا, تاپ-تۇيناقتاي. كىشكەنتاي عانا اۋلادا باۋ ءوسىرىپ, مال بورداقىلاپ تابىس تاۋىپ وتىرسىزدار. سوندىقتان وبلىستىڭ وزگە تۇرعىندارىن وسىنداي ۇساق شارۋاشىلىقتاردى ەرتەرەك مەڭگەرۋگە شاقىرامىن», - دەدى جانسەيىت قانسەيىت ۇلى.
ءوڭىر باسشىسىنىڭ نازارىنان «ورلەۋ» جوباسى اياسىندا 312 مىڭ تەڭگە كولەمىندە دەمەۋ قارجى العان كاسىپكەر نۇرجان بالابەكوۆتىڭ تىگىن تسەحى دا تىس قالعان جوق. بۇل قارجىعا ول تىگىن ماشيناسى مەن ءجىپ قۇرالدارىن ساتىپ الىپتى. مۇندا قازىر قىز جاساۋىنا اسا قاجەتتى ويۋلى كورپە-توسەك جابدىقتارى ازىرلەنۋدە.