وڭتۇستىك قازاقستان وبلىسى ارىس قالاسى اكىمدىگىنىڭ مادەنيەت جانە تىلدەردى دامىتۋ ءبولىمى ۇمىت بولا باستاعان ءداستۇردى جاڭعىرتۋ, ەل اراسىندا كەڭىنەن ناسيحاتتاۋ ماقساتىندا جۋىردا «تۋلاق شاشۋ» دەپ اتالاتىن ايرىقشا ءىس-شارا ۇيىمداستىردى.
«تۋلاق شاشۋ» دەگەن نە؟
– حالقىمىز ءəربىر ءىس, شارۋانىڭ باستالۋ-اياقتالۋ ءسəتىن جاي وتكىزبەي, ونى اتاپ ءوتىپ جانە سوعان سايكەس əدەت-عۇرىپتار, ىرىمدار جاساپ وتىرعان. سونىڭ ءبىرى – جۇرتتىڭ ءبəرى بىلە بەرمەيتىن «تۋلاق شاشۋ» سالتى. كيىز, تەكەمەت باساتىن ءۇي وعان قاتىساتىن əيەلدەرگە ءجۇن سابار الدىندا «تۋلاق شاشۋىن» شاشىپ, جينالعان قاۋىمعا اس بەرىلەدى. كيىز باسۋ – قازاقتىڭ كونەدەن كەلە جاتقان قولونەرى. كيىز باسۋدىڭ نەگىزگى تەحنولوگياسى وكىنىشكە قاراي, بۇگىنگى جاستارعا بەيمالىم. باياعىدان بەرى جالعاسقان ءداستۇر – كيىز باسۋدىڭ دا استارلى ساياساتى بار. ول ەلدىڭ ەڭبەك الەۋەتىن عانا تانىتىپ قويمايدى. اۋىل اجەلەرى مەن كورشى-قولاڭ, ابىسىن-اجىننىڭ تاتۋلىعىن بەكەم ەتەدى. جەتەككە ەرگەن جەتكىنشەكتەردى دە جەلپىندىرە وتىرىپ, ەڭبەككە باۋليدى, – دەيدى اتالعان شارانى ۇيىمداستىرۋشىلار.
اقشاڭقان كيىز ءۇي تىگىلىپ, اۋىل ونەرپازدارىنىڭ دا كونتسەرتتىك باعدارلاماسى تاماشالانعان بۇل كۇنى اجەلەر شەبەرلىك ساباقتارىن وتكىزىپ, كيىز باسۋ ونەرىنىڭ قىر-سىرىن ءوز دارەجەسىندە كورسەتە ءبىلدى. ءىس-شارا سوڭىندا بەلسەنە اتسالىسقان ازاماتتارعا وبلىستىق ادەت-عۇرىپ جانە سالت-ءداستۇر ورتالىعىنىڭ باسشىسى جانىبەك تاعاەۆ «العىس حاتتار» تابىستاپ, كادەسىيلار ۇسىندى.
عالىمجان ەلشىباي, «ەگەمەن قازاقستان»