ورتالىق جانە وڭىرلىك مەملەكەتتىك ورگانداردىڭ ءباسپاسوز حاتشىلارى مەن قىزمەتكەرلەرى «Astana Media Week» ءبىرىنشى مەديا اپتالىعى اياسىندا باس رەداكتورلار كلۋبى مەن اقپارات جانە كوممۋنيكاتسيالار مينيسترلىگى وتكىزگەن كوممۋنيكاتسيالىق مەنەدجمەنت بويىنشا سەمينار-ترەنينگتەر ارقىلى بىلىمدەرىن جەتىلدىردى.
2017 جىلعى 5-6 قازان كۇندەرى «كوممۋنيكاتسيالىق مەديا-مەنەدجمەنت» سەمينارى ۇيىمداستىرالدى. وعان لەكتور رەتىندە PR-مامان, جۋرناليست, «Informburo.kz» اقپاراتتىق-ساراپتامالىق پورتالىنىڭ باس رەداكتورى ميحايل دوروفەەۆ, جۋرناليست, مەدياترەنەر سەرگەي پونوماريوۆ, «يميدج-مەديا» باسپا ءۇيىنىڭ نەگىزىن سالۋشىسى جانە جەتەكشىسى, «پرەسس-سلۋجبا» جۋرنالىنىڭ باس رەداكتورى (ماسكەۋ ق.) تيمۋر اسلانوۆ, جۋرناليست, تەلەجۇرگىزۋشى, «شابىت» قازۇوۋ تەلەارنا جانە كينورەجيسسۋرا كافەدراسىنىڭ دوتسەنتى, «Ikerim.kz» CEO اقپاراتتىق پورتالى جانە «Social 1» اقپارات اگەنتتىگىنىڭ جەتەكشىسى ايگۇل مۋكەي سەكىلدى ماماندار شاقىرىلدى.
«داعدارىس جاعدايىنداعى كوممۋنيكاتسيانى باسقارۋ» اتتى تاقىرىپتا سەمينار-ترەنينگ وتكىزگەن م.دوروفەەۆ كوممۋنيكاتسيالاردىڭ ءتۇيىندى قاعيداتتارىنا, داعدارىسقا قارسى كوممۋنيكاتسيالاردىڭ ستراتەگياسى مەن ادىستەرى جايلى ءسوز قوزعادى.
«باق-پەن قارىم-قاتىناس. كەڭەس پەن تاجىريبە» سەمينار-ترەنگينتە س.پونوماريوۆ قاتىسۋشى تىڭدارمانداردى مەدياجاھاندانۋ ۇردىستەرىمەن, مەدياسالاسىنىڭ دامۋىنىڭ جاڭا تەندەنتسيالارىمەن تانىستىردى. سونىمەن قاتار, بۇقارالىق كوممۋنيكاتسيالاردىڭ زاماناۋي بەتالىسى, قازاقستاندىق باق نارىعى, فەيك جاعالىقتار, ديدجيتاليزاتسيا, Facebook جانە باسقا دا تاقىرىپتار بويىنشا ءدارىس وقىدى.
تيمۋر اسلانوۆ ءوزىنىڭ «الەۋمەتتىك جەلىلەردەگى PR جانە SMM» سەمينار-ترەنينگىندە الەۋمەتتىك جەلىلەردەگى باق جۇمىسىنىڭ دۇرىس ستراتەگياسىن قالىپتاستىرۋ, وندا جۇمىس ىستەۋ ەرەكشەلىكتەرى مەن جەلىلەردەگى جۇمىس ارنالارىن تاڭداۋ, نيۋسدجەكينگ, اقپاراتتىق سىلتاۋ قىزمەتىن ۇيىمداستىرۋ, بلوگەرلەر ارقىلى اقپارات تاراتۋ مەن وي-پىكىر كوشباسشىلارىمەن جۇمىس ىستەۋ جايلى تاجىريبەسىمەن ءبولىستى.
ايگۇل مۇكەي بولسا جينالعانداردى شەشەندىك شەبەرلىككە ۇيرەتىپ, كوپشىلىك الدىندا سويلەۋ ونەرىنىڭ قىر-سىرىن كورسەتتى.
ەكى كۇندىك «كوممۋنيكاتسيالىق مەديا-مەنەدجمەنت» سەمينارىنىڭ سوڭىندا بارلىق قاتىسۋشىلارعا ءبىلىمىن جەتىلدىرىلگەنىن راستايتىن سەرتيفيكات تابىستالدى.
اقمولا وبلىسىنىڭ ىشكى ساياسات باسقارماسىنىڭ وڭىرلىك كوممۋننيكاتسيا قىزمەتىنىڭ جەتەكشىسى اباي بەكباەۆ: «Astana Media Week فورماتىنداعى ءىس-شارا – ەڭ الدىمەن, وڭىرلىك باق وكىلدەرى مەن كوممۋنيكاتسيا بايلانىس قىزمەتكەرلەرىنە وتە قاجەت دەپ ەسەپتەيمىن. بۇل, بايلانىس ورناتۋعا, تاجىريبە بولىسۋگە جانە وي-پىكىرمەن الماسۋعا ايتارلىقتاي سەپتىگىن تيگىزەدى دەپ بىلەمىن. اسىرەسە, قازاقساندىق جانە شەتەلدىك باق جۇمىس تاجىريبەسىن ءوز كوزىمىزبەن كورۋگە كورنەكتى مۇمكىندىك بەرەدى. مەديا اپتالىعى اياسىندا وڭىرلىك باق العان بىلىمدەرىن ءوز جۇمىسىندا قولدانادى دەگەن سەنىمدەمىن. باس رەداكتورلار كلۋبى ۇيىمداستىرعان سەمينار ەرەكشە ۇنادى. ءتورت بلوك بويىنشا بەرگەن ءدارىس باعدارلاماسى وتە پايدالى بولدى. وزىمە قىزىقتى, ءارى قاجەتتى كوپ نارسە جيناقتادىم».
بيبيگۇل اقكۋجينا, قوستاناي وبلىسى اكىمدىگىنىڭ ىشكى ساياسات باسقارماسى مم جەتەكشىسى: ء«بىز قازاقستان رەسپۋبليكاسى اقپارات جانە كوممۋنيكاتسيالار مينيسترلىگىنىڭ ۇيىمداستىرعان اۋقىمدى ديالوگ الاڭىنا العاش رەت قاتىسىپ وتىرمىز. قازاقستاننىڭ تۇكپىر-تۇكپىرىنەن كەلگەن ارىپتەستەرىمىزدى كورگەنىمە قۋانىشتىمىن. بۇل ءۇش كۇن ءتۇرلى وقيعالارعا مول بولدى. بارلىق ءىس-شارالاردان قالىس قالماۋعا تىرىسىپ باقتىق. كوممۋنيكاتسيالىق مەديا-مەنەدجمەنتكە ارنالعان سەمينار ۇنادى. ترەنينگ جۇرگىزگەن سپيكەرلەر ويداعىداي تاڭدالعان. ەڭ باستىسى, ولاردىڭ بۇگىنگى كۇندە سول سالادا قىزمەت ەتىپ جۇرگەن تاجىريبەلى مامان بولعانى جانە بارىمىزگە باق-پەن كونسترۋكتيۆتى ءوزارا ارەكەت ەتۋ بويىنشا كەڭەستەردى تۇسىنىكتى تىلمەن جەتكىزە بىلگەندەرى كوڭىلدەن شىقتى. رەسەيلىك ارىپتەسىمىز تيمۋر اسلانوۆتىڭ سەمينار-ترەنينگى اسەرلى بولدى. جەڭىل دە تۇسىنىكتى مانەردە وتكىزدى. سونداي-اق, ميحايل دوروفەەۆكە تاجىريبەلىك تاپسىرما ۋاقىتىندا ءتۇرلى جاعدايلاردا ارەكەت ەتۋ الگوريتمدەرىن ۇسىنعانى ءۇشىن العىس بىلدىرەمىز. الداعى ۋاقىتتا دا, وسى سەكىلدى سەمينارلار وتكىزىلسە ەكەن دەگەن تىلەك بىلدىرەمىز».