اقپارات جانە كوممۋنيكاتسيالار مينيسترلىگىنىڭ تاپسىرىسىمەن «قازمەديا ورتالىعى» ۇيىمداستىرعان «Astana Media Week» قازاقستاندىق مەديا-اپتاسى 2017 جىلعى 4-6 قازان ارالىعىندا «قازمەديا ورتالىعى» حالىقارالىق مەديا-حابىنىڭ اۋماعىندا وتكىزىلدى. مەديا-اپتادا ۇيىمداستىرىلعان 10 ءىس-شارانىڭ شەڭبەرىندە 2000-نان استام قاتىسۋشىلار مەن 103 سپيكەر جينالدى.
ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا اقپارات جانە كوممۋنيكاتسيالار ۆيتسە-ءمينيسترى الان اجىباەۆ ءىس-شاراعا 25 رەسپۋبليكالىق جانە ايماقتىق تەلەارنا, سونداي-اق ەلىمىزدىڭ بارلىق وڭىرىنەن 100-دەن اسا پروداكشن-كومپانيالار قاتىسقانىن اتاپ ءوتتى.
«قازاقستاندىق باق, كينو جانە پروداكشن-ستۋديالاردان باسقا «كونتەنت-ماركەتكە» قۇرمەتتى قوناقتارى رەتىندە 7 شەتەلدىك دەلەگاتسيا كەلدى. «ASTANA DIGITAL FORUM»-نا 23 سپيكەر جانە ءار سالانىڭ 300-دەي وكىلى جينالدى. اقپارات جانە كوممۋنيكاتسيالار مينيسترلىگىنىڭ تاپسىرىسىمەن «باس رەداكتورلار كلۋبى» قق, «ەل-شەجىرە» قق ايماقتىق باق وكىلدەرى ءۇشىن 8 سەمينار جانە ترەنينگ ۇيىمداستىردى. ال 6 قازاندا «ايماقتىق باق فورۋمى» ءوتتى. وندا مەديا سالاسىنىڭ بەدەلدى ساراپشىلارى مەديا-كونتەنت ساپاسىن كوتەرۋ ماسەلەلەرىن, سونىمەن قاتار, باق سالاسىنداعى زاڭنامانى تالقىلادى. «ايماقتىق باق فورۋمىنىڭ» جۇمىسىنا بارلىعى 20-دان استام بەلگىلى سپيكەر مەن ەلىمىزدىڭ تۇكپىر-تۇكپىرىنەن 400 جۋرناليست قاتىستى», دەدى الان اجىباەۆ.
ايتا كەتەتىن تاعى ءبىر جايت, 6 قازاندا ەڭ ۇزدىك ءباسپاسوز قىزمەتىن ماراپاتتاۋ ءراسىمى ءوتتى.
راۋان قايدار, «ەگەمەن قازاقستان»