اتىراۋ وبلىستىق اۋىل شارۋاشىلىعى باسقارماسى مەن قارجى باسقارماسىنا جاڭا باسشىلار كەلدى, دەپ حابارلادى اتىراۋ وبلىسى وڭىرلىك كوممۋنيكاتسيالار قىزمەتى.
ايماق باسشىسى نۇرلان نوعاەۆ وبلىس اكتيۆى بارىسىندا جاڭا تاعايىنداۋلارمەن تانىستىردى.
قارجى باسقارماسىن ەندى 26 جاستاعى نۇرسۇلتان بيسەمبيەۆ باسقارادى. ول بۇعان دەيىن وسى باسقارما باسشىسىنىڭ ورىنباسارى قىزمەتىن اتقارعان. نۇرسۇلتان بيسەمبيەۆ بۋحگالتەر-اۋديتور, ەكونوميست ماماندىقتارىن ۇزدىك بىتىرگەن. 2013-2017 جىلدارى اتىراۋ وبلىستىق تەكسەرۋ كوميسسياسىندا وپەراتوردان باستاپ باس ينسپەكتور-رەۆيزورعا دەيىن ءتۇرلى لاۋازىمدار اتقارعان. 2017 جىلى مامىر ايىندا اتىراۋ وبلىستىق قارجى باسقارماسى باسشىسىنىڭ ورىنباسارى قىزمەتىنە تاعايىندالعان.
وبلىستىق اۋىل شارۋاشىلىعى باسقارماسىنىڭ باسشىسى بولىپ 58 جاستاعى ماقسوت مۇقانوۆ تاعايىندالدى.
ماقسوت سايپول ۇلى مۇقانوۆتىڭ ماماندىعى - ەكونوميست- اۋىل شارۋاشىلىعى ءوندىرىسىن ۇيىمداستىرۋشى. ەڭبەك جولىن 1982 جىلى قىزىلقوعا اۋدانى اباي كەڭشارىندا ەكونوميست بولىپ باستاعان. "كومسومول" سوۆحوزىندا باس ەكونوميست, اۋداندىق اۋىل شارۋاشىلىعى بىرلەستىگى باسشىسىنىڭ ورىنباسارى, اۋداندىق جوسپارلاۋ كوميسسياسىنىڭ توراعاسى, اۋدان əكىمشىلىگى ەكونوميكا كوميتەتىنىڭ توراعاسى,اۋداندىق قارجى ءبولىمىنىڭ باسشىسى, اۋداندىق قارجى باقىلاۋ ءبولىمىنىڭ باسشىسى, قىزىلقوعا اۋدانى əكىمىنىڭ ورىنباسارى, اۋداندىق اۋىل شارۋاشىلىعى ءبولىمىنىڭ باسشىسى قىزمەتتەرىن اتقارعان.
2012 جىلدىڭ قازان ايىنان باستاپ قىزىلقوعا اۋدانى əكىمىنىڭ ورىنباسارى, 2013 جىلدىڭ شىلدەسىنەن كۇنى بۇگىنگە دەيىن قىزىلقوعا اۋدانىنىڭ əكىمى بولدى.
ماقسوت مۇقانوۆ قازاقستان رەسپۋبليكاسى قۇرمەت گراموتاسىمەن, ءبىرىنشى دəرەجەلى "ەڭبەك داڭقى" بەلگىسىمەن, "قر تəۋەلسىزدىگىنە 20 جىل", "قر كونستيتۋتسياسىنا 20 جىل", "قر تəۋەلسىزدىگىنە 25 جىل" مەرەيتويلىق مەدالدارىمەن ماراپاتتالعان.
اكتيۆ بارىسىندا وبلىس əكىمى نۇرلان نوعاەۆ جاڭا تاعايىندالعان باسقارما باسشىلارىنا تابىستى, ءتيىمدى جۇمىس تىلەپ, ەكى باسشىنىڭ دا قازىرگى زامانعى مەملەكەتتىك اپپارات قۇرۋ قاعيداسى بويىنشا تاڭدالعاندارىن جəنە جوعارى لاۋازىمدى قىزمەت اتقارۋعا لايىق ەكەندەرىن ايتتى.