«ەگەمەن قازاقستان» رگ» اق توراعاسى دارحان قىدىرالى مەن يران يسلام رەسپۋبليكاسى اقپارات اگەنتتىگى (يرنا) باسقارۋشى ديرەكتورى مۋحامماد حودادي كەزدەستى.
ەكى جاقتى كەزدەسۋدە كاسىبي ىنتىماقتاستىقتى نىعايتۋ, دوستىق قارىم-قاتىناستار مەن مەديا سالاسىنداعى جەمىستى ىنتىماقتاستىق ورناتۋ ماسەلەلەرى ءسوز بولدى. يرنا باسشىسى مۋحامماد ءحوداديدىڭ ايتۋىنشا, يران مەن قازاقستان مادەني, ءدىني, تاريحي تۇرعىدان ءبىر-بىرىنە ۇقساس مەملەكەت.
ءوز كەزەگىندە دارحان قىدىرالى مەيماندارعا ىزگى لەبىزىن ءبىلدىردى. سونىمەن قاتار, ەلىمىزدىڭ باس باسىلىمى جونىندە اڭگىمەلەپ, رەداكتسيامەن تانىستىردى. د.قىدىرالى «ەگەمەن قازاقستان» تاراپىنىڭ دا ارىپتەستىك بايلانىس ورناتۋعا ءازىر ەكەنىن جەتكىزدى.
يرنا – يرانداعى بەلدى مەديا وكىلى بولىپ تابىلادى. اگەنتتىكتىڭ بىرنەشە مەرزىمدى باسىلىمى جانە ينتەرنەت پورتالى بار. يرنا-نىڭ يراندا 60 جانە الەم ەلدەرىندە 30 كەڭسەسى بار.