استانا جۇمىسسىزدىق دەڭگەيى بويىنشا رەسپۋبليكادا ەڭ تومەنگى كورسەتكىشپەن كوش باستاپ تۇر. 1 تامىزعا دەيىنگى جاعداي بويىنشا 10 مىڭ جاڭا جۇمىس ورنى اشىلعان, ولاردىڭ قاتارىندا شاعىن جانە ورتا بيزنەس تە بار.
– حالىقارالىق مامانداندىرىلعان ەكسپو-2017 كورمەسىن وتكىزۋ بارىسىندا استانا قالاسى اكىمدىگىنىڭ حالىقتى جۇمىسپەن قامتۋ ورتالىعىنا 4 012 تۇرعىن جۇمىسقا ورنالاستىرۋ وتىنىشىمەن كەلدى. ولاردىڭ 2409-ى جۇمىسسىزدىقتان الەۋمەتتىك قورعاۋمەن قامتىلدى. جۇمىس بەرۋشىلەر اراسىندا قوناق ءۇي ماماندىقتارى بويىنشا سۇرانىس وسكەن, بۇل – اسپاز, قوناق ءۇي بيزنەسىنىڭ مەنەدجەرى, گيد-اۋدارماشىلار, قىزمەت كورسەتۋشىلەر. مىسالى, ءبىزدىڭ ورتالىق ارقىلى ەكسپو-2017 كورمەسى اۋماعىنداعى جاڭا «Hilton» قوناق ۇيىنە 100 ادام جۇمىسقا تۇردى, – دەپ حابارلادى استانا اكىمدىگىنىڭ جۇمىسپەن قامتۋ ورتالىعى ءباسپاسوز قىزمەتىنىڭ باسشىسى اياجان ايتجانوۆا.
رەسمي مالىمەتتەرگە سايكەس, اتالعان دەپارتامەنت ستاتيستيكاسى بويىنشا 2017 جىلدىڭ ءىى توقسانىندا استانادا جۇمىسسىزدىق دەڭگەيى 4,5% قۇراعان (جىلدىق جوسپار بويىنشا 4,7%).