فورۋم اياسىندا ينۆەستيتسيالىق احۋالدى جاقسارتۋعا قاتىستى ماسەلەلەر قارالدى. باقىتجان ساعىنتاەۆ ءسوز سويلەۋ بارىسىندا قر ۇكىمەتىنىڭ بيزنەستى جۇرگىزۋدىڭ اكىمشىلىك كەدەرگىلەرىن تومەندەتۋ بويىنشا جاساپ جاتقان جۇمىستارى تۋرالى, ارنايى ەكونوميكالىق جانە يندۋستريالىق ايماقتاردىڭ جۇمىسى مەن كazakh Invest جانە Kazakh Export كومپانيالارىنىڭ قىزمەتى جايىندا, سونداي-اق بيزنەستى دامىتۋعا باعىتتالعان بىرقاتار مەملەكەتتىك باعدارلامالار تۋرالى ايتىپ ءوتتى.
فورۋم بارىسىندا ساۋدا-ەكونوميكالىق ىنتىماقتاستىقتى كەڭەيتۋدىڭ نەگىزگى باعىتتارى اتالىپ ءوتتى, ولاردىڭ ىشىندە ساۋدا كولەمىن ۇلعايتۋ, ينۆەستيتسيالىق ىنتىماقتاستىق جانە كولىك-لوگيستيكالىق ينفراقۇرىلىمدى دامىتۋ شارالارى بار.
بيزنەس احۋالدى جاقسارتۋ ماقساتىندا 2018 جىلدان باستاپ استانا قالاسىندا «استانا» حالىقارالىق قارجى ورتالىعى جۇمىس ىستەي باستايدى. سونىمەن قاتار, ەكسپو-2017 كورمەسى نىساندارىنىڭ ءبىرىنىڭ نەگىزىندە ءىت-ستارتاپتاردىڭ حالىقارالىق تەحنوپاركى اشىلاتىن بولادى.
سونداي-اق, شارا بارىسىندا بەلارۋس رەسپۋبليكاسىنىڭ پرەمەر-ءمينيسترى اندرەي كوبياكوۆ, بەلارۋس ساۋدا-ونەركاسىپ پالاتاسىنىڭ توراعاسى ۆلاديمير ۋلاحوۆيچ ءسوز سويلەدى.
باقىتجان ساعىنتاەۆ پەن اندرەي كوبياكوۆ فورۋم الاڭىندا ماشينا جاساۋ, مۇناي حيمياسى, كولىك, اۋىل شارۋاشىلىعى, جەڭىل ونەركاسىپ, مەديتسينا, فارماتسەۆتيكا, ات سالالارى, سونىمەن قاتار ازىق-ت ۇلىك ونىمدەرى مەن قۇرىلىس ماتەريالدارى ۇسىنىلعان «Made in Belarus» كورمەسىن بىرگە ارالاپ كوردى.