اتىشۋلى بەينەروليك YouTube الەۋمەتتىك جەلىسىندە جاريالاندى. ۆيدەودا پوليتسيا قىزمەتكەرىنىڭ فورماسىنداعى ادامنىڭ جاس جىگىتتەردى ۇرىپ جاتقانىن كورۋگە بولادى.
تەرگەۋدى پاۆلودار قالالىق پروكۋراتۋراسى باقىلايدى. ءتارتىپ ساقشىلارىنىڭ ازاماتتىق تۇلعالارعا قاتىستى زاڭسىز ارەكەتى وبلىس ورتالىعىنداعى «اراي» ءدامحاناسىنىڭ ماڭىندا بولعان. جالپى ءىس بويىنشا ءتورت پوليتسەي تەرگەلىپ, تۇسىنىك بەرىپ جاتىر.
ايتا كەتەيىك, قازىرگى ۋاقىتتا زارداپ شەككەن ەكى ازامات انىقتالدى. ولاردىڭ دەنساۋلىعى جاقسى. بۇل دەرەك بويىنشا قر قىلمىستىق كودەكسىنىڭ 362-بابىنىڭ 4-تارماعى بويىنشا قىلمىستىق ءىس قوزعالدى.
«بۇل روليك قوعامدا عانا ەمەس, قۇقىق قورعاۋ ورگاندارىندا داۋ تۋدىردى. پوليتسەي قىزمەتتىك بابىن اسىرا پايدالانعان. وسىعان بايلانىستى وبلىس پروكۋرورىنىڭ تاپسىرماسىمەن دەرەككە قاتىستى تەرگەۋ بارىسى ءبىزدىڭ باقىلاۋىمىزعا الىندى. پاترۋلدىك قىزمەت وكىلدەرىنىڭ ءبىرى ۋاقىتشا قاماۋ يزولياتورىنا توعىتىلدى. وعان قر قىلمىستىق كودەكسىنىڭ 362-بابى 4-تارماعى بويىنشا ايىپ تاعىلدى», دەدى قالا پروكۋرورى ەرجان بولەگەنوۆ.