وسىعان دەيىن سەگىز دۇركىن وليمپيادا چەمپيونى اتانعان جەلاياق لوندونداعى الەم چەمپيوناتىندا جەڭىمپاز اتانىپ, سپورتپەن قوشتاسقىسى كەلەتىندىگىن ايتقان بولاتىن. الايدا, اتى اڭىزعا اينالعان يامايقالىق جەلاياق الەم چەمپيوناتىنداعى 4ح100 ەستافەتانىڭ سوڭعى ءتورتىنشى اينالىمىندا جارىس جولىنا شىعىپ, جاراقات الىپ قالدى.
الدىن الا مالىمەتتەرگە قاراعاندا, ول جامباسىنان جاراقاتتانعان. سونداي-اق وسى قاشىقتىقتا يامايكانىڭ ەرلەر قۇرامىندا ومار ماكلەود, دجۋليان فورت, يوحان بلەيكتەر دە جۇگىردى.
بولت سوڭعى باسەكەنىڭ قورىتىندى كەزەڭىندە وقىستان جاراقات الىپ, مارە سىزىعىنا جەتپەي توقتادى. ەستافەتادا 37,47 سەكۋند كورسەتكىشىمەن ۇلىبريتانيا كومانداسى جەڭىمپاز اتاندى. ەكىنشى بولىپ مارە سىزىعىنا امەريكالىقتار (37,52) جەتسە, ءۇشىنشى ورىندى جاپوندار (38,0) يەلەندى.