قازاقستان رەسپۋبليكاسى ۇكىمەتىنىڭ قاۋلىسى №870

2011 جىلعى 28 شىلدە, استانا, ۇكىمەت ءۇيى ۆەتەريناريا جانە وسىمدىكتەر كارانتينى سالاسىنداعى ۋاكىلەتتى مەملەكەتتىك ورگاننىڭ مەملەكەتتىك ۆەتەريناريالىق-سانيتاريالىق ينسپەكتورلارى مەن وسىمدىكتەر كارانتينى جونىندەگى مەملەكەتتىك ينسپەكتورلارىن كەدەن ورگاندارىنا ىسساپارعا جىبەرۋ قاعيداسىن بەكىتۋ تۋرالى «قازاقستان رەسپۋبليكاسىنداعى كەدەن ءىسى تۋرالى» قازاقستان رەسپۋبليكاسىنىڭ 2010 جىلعى 30 ماۋسىمداعى كودەكسىنىڭ 192-بابىنىڭ 6 جانە 7-تارماقتارىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان ۆەتەريناريا جانە وسىمدىكتەر كارانتينى سالاسىنداعى ۋاكىلەتتى مەملەكەتتىك ورگاننىڭ مەملەكەتتىك ۆەتەريناريالىق-سانيتاريالىق ينسپەكتورلارى مەن وسىمدىكتەر كارانتينى جونىندەگى مەملەكەتتىك ينسپەكتورلارىن كەدەن ورگاندارىنا ىسساپارعا جىبەرۋ قاعيداسى بەكىتىلسىن. 2. «ۆەتەريناريا جانە وسىمدىكتەر كارانتينى سالاسىنداعى ۋاكىلەتتى مەملەكەتتىك ورگاننىڭ مەملەكەتتىك ۆەتەريناريالىق-سانيتاريالىق ينسپەكتورلارى مەن وسىمدىكتەر كارانتينى جونىندەگى مەملەكەتتىك ينسپەكتورلارىن كەدەن ورگاندارىنا ىسساپارعا جىبەرۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2010 جىلعى 7 ماۋسىمداعى № 517 قاۋلىسىنىڭ (قازاقستان رەسپۋبليكاسىنىڭ ءپۇاج-ى, 2010 ج., № 36, 302-قۇجات) كۇشى جويىلدى دەپ تانىلسىن. 3. وسى قاۋلى 2011 جىلعى 1 شىلدەدەن باستاپ قولدانىسقا ەنگىزىلەدى جانە رەسمي جاريالانۋعا ءتيىس.

قازاقستان رەسپۋبليكاسىنىڭ پرەمەر-ءمينيسترى  ك.ءماسىموۆ.

قازاقستان رەسپۋبليكاسى ۇكىمەتىنىڭ 2011 جىلعى28 شىلدەدەگى № 870 قاۋلىسىمەن بەكىتىلگەن

ۆەتەريناريا جانە وسىمدىكتەر كارانتينى سالاسىنداعى ۋاكىلەتتى مەملەكەتتىك ورگاننىڭ مەملەكەتتىك ۆەتەريناريالىق-سانيتاريالىق ينسپەكتورلارى مەن وسىمدىكتەر كارانتينى جونىندەگى مەملەكەتتىك ينسپەكتورلارىن كەدەن ورگاندارىنا ىسساپارعا جىبەرۋ قاعيداسى

1. جالپى ەرەجەلەر

1. وسى قاعيدا كەدەن وداعىنىڭ كەدەندىك شەكاراسىنىڭ قازاقستاندىق ۋچاسكەسىندەگى اۆتوموبيل وتكىزۋ پۋنكتتەرىندە (بۇدان ءارى – وتكىزۋ پۋنكتتەرى) مەملەكەتتىك ۆەتەريناريالىق-سانيتاريالىق باقىلاۋدى جانە قاداعالاۋدى جانە وسىمدىكتەر كارانتينى بويىنشا باقىلاۋدى جانە قاداعالاۋدى جۇزەگە اسىرۋ ءۇشىن ۆەتەريناريا جانە وسىمدىكتەر كارانتينى سالاسىنداعى ۋاكىلەتتى مەملەكەتتىك ورگاننىڭ مەملەكەتتىك ۆەتەريناريالىق-سانيتاريالىق ينسپەكتورلارى مەن وسىمدىكتەر كارانتينى جونىندەگى مەملەكەتتىك ينسپەكتورلارىن كەدەن ورگاندارىنا ىسساپارعا جىبەرۋ ءتارتىبىن ايقىندايدى. 2. وسى قاعيدادا مىناداي ۇعىمدار پايدالانىلادى: 1) جىبەرۋشى مەملەكەتتىك ورگان – ۆەتەريناريا جانە وسىمدىكتەر كارانتينى سالاسىنداعى ۋاكىلەتتى مەملەكەتتىك ورگاننىڭ كەدەن ورگانىنىڭ ءتيىستى اۋماقتىق بولىمشەسىنە قىزمەتكەردى ىسساپارعا جىبەرۋ ءۇشىن كانديداتۋرانى ۇسىناتىن اۋماقتىق بولىمشەسى; 2) ىسساپارعا جىبەرىلگەن قىزمەتكەر – ۆەتەريناريا جانە وسىمدىكتەر كارانتينى سالاسىنداعى ۋاكىلەتتى مەملەكەتتىك ورگاننىڭ وتكىزۋ پۋنكتتەرىندە ۆەتەريناريالىق-سانيتاريالىق باقىلاۋدى جانە قاداعالاۋدى جانە وسىمدىكتەر كارانتينى بويىنشا باقىلاۋدى جانە قاداعالاۋدى جۇزەگە اسىرۋ ءۇشىن كەدەن ورگانىنىڭ ءتيىستى اۋماكتىق بولىمشەسىنە جىبەرىلگەن مەملەكەتتىك ۆەتەريناريالىق-سانيتاريالىق ينسپەكتورى جانە/نەمەسە وسىمدىكتەر كارانتينى جونىندەگى مەملەكەتتىك ينسپەكتورى. 3. ىسساپارعا جىبەرىلگەن قىزمەتكەرلەردىڭ سانى ءاربىر اۋماقتىق كەدەن ورگانىندا ۆەتەريناريا جانە وسىمدىكتەر كارانتينى سالاسىنداعى ۋاكىلەتتى مەملەكەتتىك ورگاننىڭ بۇيرىعىمەن بەلگىلەنەدى. بۇل رەتتە, ىسساپارعا جىبەرىلگەن قىزمەتكەرلەردىڭ سانى ولار دەمالىستا بولعان, ەڭبەككە ۋاقىتشا جارامسىزدىق سالدارىنان جۇمىسقا كەلمەۋى جانە قازاقستان رەسپۋبليكاسىنىڭ ەڭبەك زاڭناماسىندا كوزدەلگەن باسقا دا ءمان جايلار كەزەڭىندە ءوزارا الماسۋ قاعيداتتارى نەگىزىندە قامتاماسىز ەتىلۋى ءتيىس.

2. ىسساپارعا جىبەرىلگەن قىزمەتكەرلەردى كەدەن ورگاندارىنا جىبەرۋ ءتارتىبى

4. جىبەرۋشى مەملەكەتتىك ورگان قىزمەتكەردى وتكىزۋ پۋنكتىنىڭ اتاۋىن كورسەتە وتىرىپ, كەمىندە ءبىر جىل مەرزىمگە ىسساپارعا جىبەرۋ تۋرالى بۇيرىق شىعارادى جانە وعان قول قويىلعان كۇنىنەن باستاپ ءۇش جۇمىس كۇنى ىشىندە بۇيرىقتى جانە ىسساپارعا جىبەرىلگەن قىزمەتكەردىڭ جەكە پاراعىنىڭ كوشىرمەسىن كەدەن ورگانىنىڭ اۋماقتىق بولىمشەسىنە جىبەرەدى. كەدەن ورگانىنىڭ ءتيىستى اۋماقتىق بولىمشەسى ىسساپارعا جىبەرۋ تۋرالى بۇيرىقتى العان كۇنىنەن باستاپ ءۇش جۇمىس كۇنى ىشىندە قىزمەتكەردىڭ ىسساپارعا كەلۋى تۋرالى ءتيىستى بۇيرىق شىعارادى.

3. ىسساپارعا جىبەرىلگەن قىزمەتكەرلەردىڭ قىزمەتتىك جۇمىسى

5. ىسساپارعا جىبەرىلگەن قىزمەتكەرلەر وزدەرىنىڭ قىزمەتتىك جۇمىسىندا قازاقستان رەسپۋبليكاسى راتيفيكاتسيالاعان حالىقارالىق شارتتارىن, قازاقستان رەسپۋبليكاسىنىڭ زاڭناماسىن, وسى قاعيدانى جانە جىبەرۋشى مەملەكەتتىك ورگاننىڭ نورماتيۆتىك قۇقىقتىق اكتىلەرىن باسشىلىققا الادى. 6. جىبەرۋشى مەملەكەتتىك ورگان اۋماقتىق كەدەن ورگانىمەن بىرلەسىپ, ىسساپارعا جىبەرىلگەن قىز­مەت­كەردى قازاقستان رەسپۋبليكاسىنىڭ ەڭبەك زاڭناماسىندا كوزدەلگەن ەڭبەك جاعدايىمەن قامتاماسىز ەتەدى. 7. ىسساپارعا جىبەرىلگەن قىزمەتكەرلەرگە جىبەرۋشى مەملەكەتتىك ورگاننىڭ قاراجاتى ەسەبىنەن قىزمەتكەرلەردىڭ ءتيىستى ساناتى ءۇشىن بەلگىلەنگەن جالاقى تولەنەدى. 8. ىسساپارعا جىبەرىلگەن ادامدارعا ۆەتەريناريا جانە وسىمدىكتەر كارانتينى سالاسىنداعى ورگاندار قىزمەتكەرلەرىنىڭ مارتەبەسى ساقتالادى.

4. جۇمىس ۋاقىتى جانە دەمالىستار

9. ىسساپارعا جىبەرىلگەن قىزمەتكەرلەردىڭ جۇمىس ۋاقىتى دەپ كەدەن ورگاندارىنىڭ باسشىلىعى بەكىتكەن جانە جىبەرۋشى مەملەكەتتىك ورگانمەن كەلىسىلگەن كۇن ءتارتىبى شەگىندە ولاردىڭ قىزمەتتىك مىندەتتەرىن ورىنداۋ ۋاقىتى تۇسىنىلەدى. 10. ىسساپارعا جىبەرىلگەن قىزمەتكەرلەردىڭ اپتا سايىنعى جۇمىس ۋاقىتىنىڭ جالپى ۇزاقتىعى ەڭبەك زاڭناماسىنا سايكەس بەلگىلەنەدى. 11. ىسساپارعا جىبەرىلگەن قىزمەتكەرلەرگە قازاقستان رەسپۋبليكاسىنىڭ ەڭبەك زاڭناماسىندا كوزدەلگەن جىل سايىنعى ەڭبەك دەمالىسى بەرىلەدى. جىل سايىنعى ەڭبەك دەمالىسىن بەرۋ كەزەڭىن جىبەرۋشى مەملەكەتتىك ورگان كەدەن ورگانىنىڭ ءتيىستى اۋماقتىق بولىمشەسىنە حابارلاي وتىرىپ بەلگىلەيدى.

5. كوتەرمەلەۋ جانە تارتىپتىك جازا قولدانۋ ءتارتىبى

12. قىزمەتتىك مىندەتتەرىن ادال ورىنداعانى جانە بۇل رەتتە جۇمىستاعى قول جەتكىزگەن وڭ ناتيجەلەرى ءۇشىن كەدەن ورگاندارىنىڭ باسشىلىعى جىبەرۋشى مەملەكەتتىك ورگاننىڭ باسشىلىعىنا ىسساپارعا جىبەرىلگەن قىزمەتكەردى كوتەرمەلەۋ تۋرالى ءوتىنىش جاساي الادى. 13. ىسساپارعا جىبەرىلگەن قىزمەتكەر قىزمەتتىك ءتارتىپتى بۇزعان, قىزمەتتىك مىندەتتەرىن ادال ورىنداماعان جاعدايدا كەدەن ورگانىنىڭ باسشىسى ىسساپارعا جىبەرىلگەن قىزمەتكەر بۇزۋشىلىق جاساعان كۇنىنەن باستاپ كۇنتىزبەلىك ون كۇن ىشىندە بۇل تۋرالى جازباشا نىساندا قازاقستان رەسپۋبليكاسىنىڭ زاڭناماسىنا سايكەس شەشىم قابىلداۋى ءۇشىن جىبەرۋشى مەملەكەتتىك ورگاندى حاباردار ەتەدى.