اقسۋاتتاعى ايتىس

وسىمەن ەكىنشى مارتە بارقىتبەلدىڭ باۋرايىندا شىمىلدىعى ءتۇرىلىپ وتىر­عان حالىقارالىق ايتىستىڭ اشىلۋ سال­تاناتىندا ءسوز العان تارباعا­تاي اۋدا­نى­نىڭ اكىمى دىلدابەك ورازباەۆ ءدۇل­دۇل اقىنداردىڭ باسىن قوسقان ءسوز سايىسىنىڭ ەلباسىنىڭ «رۋحا­ني جاڭعىرۋ: بولاشاققا باع­دار» ماقا­­لاسىندا كورسەتىلگەن مىندەت­تەردى جۇزەگە اسىرۋ اياسىندا ۇيىم­داس­­تىرىل­عانىن, بۇل شارانى وسى ءوڭىر­دىڭ تۋمالارى تاستەكەەۆتەر اۋلەتىنىڭ قارجى­لان­دىر­عانىن اتاپ ءوتتى. ادەت­تەگىدەي ءجۇر­سىن ەرمان تىزگىنىن ۇستاعان, بەلگىلى قالام­گەر ەركىن جاپپاس ۇلى, عالىم نادىربەك اپسالەم ۇلى, ايتىسكەرلەر سەرىك قاليەۆ, داۋلەتكەرەي كاپ ۇلى, تەلە­جۇر­گى­زۋ­شى بەرىك ءۋالي قازىلىق ەتكەن جىر دوداسىندا ايتىسكەرلەر تۋعان جەر, وسكەن ەل, ۇلتتىق داستۇرلەرىمىزدى ۇلىق­تاۋ, وتكەنىمىزدى ۇمىتپاۋ سىندى وزەكتى تاقى­رىپتاردى جان-جاقتى قاۋ­زاپ, كورەرمەننىڭ ىستىق ىقىلاسىنا بولەندى.

الامان ايتىستى شىرايلى شىم­كەنتتەن كەلگەن قاليجان بىلداشەۆ پەن الماتىلىق شۇعايىپ سەزىمحان باستادى. ەكىنشى جۇپ بولىپ ساحناعا جايىقتىڭ قىزى جانسايا مۋسينا مەن وكپەتىنىڭ ورەنى رۇستەم قايىرتاي ۇلى شىققاندا بەس مىڭ كورەرمەن ورنىنان تۇرىپ قول سوقتى. قوس اقىن دا جانكۇيەر كۇتكەن سەنىم ۇدەسىنەن شىعىپ, قىز بەن جىگىت ايتىسىنىڭ ادەمى ۇلگىسىن كور­سەتە ءبىلدى. ءتۇس اۋا ساحنا تورىنە الاش­تىڭ ازۋلى اقىنى رينات زايىتوۆ پەن سوڭعى جىلدارى ايتىستا جۇلدە بەرمەي, جۇيرىكتىگىمەن تانىلىپ جۇرگەن كەرەكۋدىڭ ءدۇلد ۇلى اسپانبەك شۇعاتاەۆ شىعىپ, بۇگىنگى قوعام, زامان جايىن­داعى ويلارىن ورتاعا سالدى. ۇزىن سانى 12 اقىن قاتىسقان ونەر باسەكەسىندە اق­سۋات­تىڭ تۋماسى رۇستەم قايىرتاي ۇلى بابىن­دا ەكەنىن بايقاتىپ, باس جۇلدەنى (2 ملن تەڭگە) قانجىعاعا بايلادى. ءبىرىنشى ورىندى رينات زايىتوۆ (1 ملن تەڭگە), ەكىنشى ورىندى جانسايا مۋسينا (750 000 تەڭگە), ءۇشىنشى ورىندى قىتايدان كەلگەن قانداسىمىز جارقىنبەك بەردىبەك ۇلى (500 000 تەڭگە) ەنشىلەدى. مۇحتار نيازوۆ جانە اسپانبەك شۇعاتاەۆ 300 000 تەڭگە­نىڭ ارنايى سىيلىعىنا يە بولدى.

شارا سوڭىندا ءتول ونەرىمىزدىڭ جان­ا­­­شىرى ءجۇرسىن ەرمانمەن تىلدەس­كەنى­­مىزدە, سوڭعى جىلدارى ايتىستى الماتى مەن استانادا عانا ەمەس, شال­عاي اۋىل­داردا ءجيى وتكىزىپ جۇرگەن­دىك­تەرىن, بۇل ەلباسىنىڭ تاپسىرماسى ەكەن­دىگىن ايتتى. «بيىلعى اقسۋاتتاعى ايتىس بىلتىر­عىدان وزگەشە بولدى. ايتىس­تىڭ دەمەۋ­شىسى دۋلات تاستەكەەۆ باۋىرى­مىز­دىڭ ايتۋىنشا, بۇل ايتىس جىل سايىن ءداستۇرلى تۇردە وتەدى. بيىل شەتتەن ەكى اقىن قوسىلدى جانە جىل سايىن قيىر­دا جۇرگەن تالانتتى اقىنداردى وسىن­داي دودا­لارعا شاقىراتىن بولامىز. ەرەك­شە­لىك دەپ وتىرعانىم, دەمەۋشىمىز جىل سايىن «كورەرمەن كوزايىمى» دەگەن ارنايى ستيپەنديا تاعايىنداپ جانە سول اقىن كەلەر جىلعا دەيىن اي سايىن 200 مىڭ تەڭگە تۇراقتى ستيپەنديا الىپ وتىراتىن بولادى. بۇل, ەڭ الدىمەن, ءتول ونەرىمىزگە دەگەن ۇلكەن قۇرمەت بولسا, وزگە وڭىرلەرگە ۇلگى بولارلىق جايت», دەيدى ج.ەرمان.

ازامات قاسىم, «ەگەمەن قازاقستان»

شىعىس قازاقستان وبلىسى,

تارباعاتاي اۋدانى