جاستار ساياساتىنا ءمان بەردى

ەلىمىزگە كەلگەن گەرمانيا فەدەراتيۆتىك رەسپۋبليكا­سى­نىڭ جاستار سايا­ساتى­مەن اينالىساتىن ۇكىمەتتىك ەمەس جانە قوعامدىق ۇيىمدار وكىلدەرىنەن قۇرال­عان دەلەگاتسيا ءمۇ­شە­لەرىن قازاقستاننىڭ ءبىلىم جانە عىلىم ءمينيسترى ب.جۇ­ما­عۇ­لوۆ قابىلداپ, جاستار ساياساتىن تالقىعا سالدى. بۇلار ەكىنشى قازاقستان-گەر­مانيا جاستار فورۋمىنا قاتىسۋشىلار بولاتىن. العاشقى ءسوزدى العان باقىتجان جۇماعۇلوۆ ەلىمىزدەگى ءبىلىم بەرۋ ءىسى مەن وتاندىق عىلىمنىڭ جايى, جاستار ساياساتى تۋرالى جان-جاقتى اڭگىمەلەپ بەردى. مەم­لەكەتىمىزدە 5 ميلليونعا جۋ­ىق جاستار بولسا, ول بۇكىل حالىقتىڭ 30 پايىزى ەكەنىن جەتكىزدى. 2004 جىلى جاستار سايا­سا­تى تۋرالى زاڭنىڭ قا­بىلدانعانىن, وعان جاقىن­دا وزگەرتۋلەردىڭ جاسال­عا­نىن تىلگە تيەك ەتتى. سول جاڭا وزگەرىستەر بويىنشا وڭىردە جاستار ساياساتى ءجو­نىن­دەگى دەپارتامەنتتىڭ قۇ­رى­لاتىنىنان, وعان ميللياردتان استام تەڭگە ءبولىنىپ وتىر­عانىنان دالەل-دايەكتەر كەل­­تىردى. سول سەكىلدى ەلبا­سى­نىڭ تىكەلەي تاپسىر­ما­سى­مەن ورتا ءبىلىم بەرۋ, كا­سىپ­تىك-تەحنيكالىق وقىتۋ بوي­ىن­شا دا جۇمىستاردىڭ ات­قا­رىلىپ جات­قانىن, بالا­لار­دىڭ 100 پايىز مەكتەپكە تارتىلعانىن ايتىپ, كاسىپ­تىك-تەحنيكالىق ءبىلىم بەرۋ ءۇش مەملەكەتتىڭ ءتاجىري­بە­سىنە نەگىزدەلگەنىن, ونىڭ ءبىرىنشىسى گەرمانيالىق, ەكىنشىسى نورۆەگيالىق, ءۇشىنشىسى سينگاپۋرلىق ەكەنىن ايتتى. بىزگە ءتيىمدىسى گەرمانيالىق ەكەنىن, ويتكەنى, بۇل ءبىلىم بەرۋ ءۇردىسى بوي­ىنشا 50 پايىز تەوريالىق, 50 پايىز پراك­تي­كالىق بولا­تى­نىن اتاپ ءوتتى. سونداي-اق الەۋ­مەت­تىك جاستار قۇرى­لىم­دارىن, ستۋدەنتتەر الماسۋ ءىسىن دامىتۋ, جاستارمەن جۇ­مىس ىستەۋدىڭ سان قيلى باعىتتارى دا نازاردان تىس قالمادى. بولا­شاق­تا جاستار سايا­سا­تى الكوگوليزم, شىلىم شەگۋ, سپيد پروفيلاكتيكا­سىن­داعى زاڭ بۇزۋشىلىق ارەكەتتەرى بوي­ىن­شا قىسقا مەرزىمدى ءتا­جى­ريبە الماسۋ, سەمينار, ترەنينگتەردى ۇيىم­داس­تى­رۋ جوس­پارلانىپ وتىر­عانى, الداعى ۋاقىتتا گەرمانيامەن تۇ­راق­تى سەرىكتەس بولىپ قالا بەرۋ جايى قوزعالدى. ءبىر جىلدىڭ ىشىندە ەكى مەملەكەت جيىرمادان اسا ورتاق شارالار وتكىزىپ, ءجۇز­گە تارتا جاس­تار قوزعالىسى وكىلدەرى ءتاجى­ري­بە الماسۋ ماقسا­تىن­دا قازاقستان مەن گەرمانيادا بولىپ قايت­قان ەكەن. ءوز كەزەگىندە گەرما­نيا­لىق دەلەگاتسيا ءمۇ­شەلەرى قا­زاق­ستانمەن وسىن­داي تى­عىز قارىم-قاتى­ناس­تى ال­دا­عى ۋاقىتتا دا جال­عاستىرا بەرەتىندىكتەرىن ايتتى. سۇلەيمەن مامەت.