ءسىز نە دەيسىز؟

باسەكەلەستىك  ارناسى  كەڭيتىن بولادى ەلباسىنىڭ «قازاقستان رەسپۋبليكاسىندا قۇقىق قور­عاۋ قىزمەتى مەن سوت جۇيە­سىنىڭ تيىمدىلىگىن ارتتىرۋ شارالارى تۋرالى» 2010 جىل­عى 17 تامىزداعى جار­لى­عى قۇقىق قورعاۋ ورگان­دا­رىن­داعى جاناما قىزمەت­تەردى باسەكەلەستىك ورتاعا بەرۋ مىندەتىن كوزدەيدى. وسى­عان بايلانىستى, كولىك قۇرالدارىن مىندەتتى تەح­نيكالىق بايقاۋدان وتكىزۋ كولىك جانە كوممۋنيكاتسيا مينيسترلىگىنىڭ قۇزىرىنا بەرىلدى. قازىر ۆەدومستۆونىڭ وڭىرلىك قۇرىلىمدارى ۇيىم­داستىرۋ شارالارىن تولىق­تاي اياقتاپ, الداعى 1 قاڭ­تار­دان باستاپ ماڭىزدى شا­رانى وتكىزۋگە كىرىسەدى. جىلدار بويى ماي ورگاندارىنا جۇگىنەتىن حالىق بۇل قادامدى قالاي قابىلداۋدا, ونىڭ تيىمدىلىگى مەن قاۋىپسىزدىگىمىزدى قامتاماسىز ەتۋدەگى ورنى قانداي بولماق؟ «ەگەمەن قازاقستان» گازەتىنىڭ اقمولا وبلىسى بويىنشا ءتىلشىسى باقبەرگەن امالبەك كوكشەتاۋداعى «سولتۇستىك» وڭىرارالىق كولىك باقىلاۋ ينسپەكتسياسىنىڭ باستىعى قانات قۇلجانوۆقا: – ءسىز بۇعان نە دەيسىز؟  – بۇل, ەڭ الدىمەن, كولىك قۇ­رالدارىنىڭ تەحنيكالىق اقاۋ­­سىز جۇمىس ىستەۋىن, قوعام مۇشەلەرىنىڭ ءومىرى مەن قاۋىپ­سىزدىگىن قامتاماسىز ەتەدى. ونىڭ ۇستىنە, وركەنيەتتى قو­عام­داعى باسەكەلەستىك ورتانى نىعايتىپ,  جەكەمەنشىكتىك نۇس­­­قانىڭ بەلسەندىلىگىن دامى­تادى. ياعني, جۇرتشىلىققا كور­­سە­تى­لەتىن قىزمەتتىڭ قول­جەتىم­دى­لىگىن ­قامتاماسىز ەتىپ, ونىڭ سا­پا­لىق باعامىن ارتتىرادى. بۇگىنگى كۇنى كولىك قۇرال­دا­رىن مىندەتتى تەحنيكالىق باقىلاۋدان وتكىزۋ شەڭبەرىن كەڭىتۋ ماسەلەسىنە قاتىستى ۇكىمەتتىڭ ەكى قاۋلىسى مەن مينيسترلىكتىڭ ەكى بۇيرىعى قابىلدانىپ, كۇشىنە ەندى. اتالعان قۇقىقتىق بازا حا­لىقارالىق نورمالارعا ساي كەلەدى جانە باسەكەلەستىك ور­تا­نىڭ ۇيلەسىمدى قىزمەتىنە كەپىلدىك بەرەدى. ال, مەملەكەتتىك اۆتوينسپەكتسيا باي­قاۋ­دى وتكىزبەيدى, بىراق, قوزعا­لىس قۇرالدارىنىڭ تەحنيكا­لىق جاي-كۇيىن قاداعالاۋ قىزمەتىن ساقتايدى. بولەكتەپ ايتارىم, بىزدەگى نۇسقا بولگاريا, يسپانيا, فرانتسيا مەملەكەتتەرىندەگى تەحنيكالىق بايقاۋ ءىسىنىڭ جەتىلدىرىلگەن ءتۇرى دەۋگە نەگىز بار. قازىرگى تاڭدا قازاقستان­دا­عى كولىك قۇرالدارىنىڭ 80 پايىزىنىڭ پايدالانۋ مەرزىمى 7 جىلدان اسادى. بۇل – وتە وزەكتى ماسەلە. سوندىقتان, جاڭا ءتارتىپ تەحنيكالىق باي­قاۋدى زامانالىق باقىلاۋ-دياگنوستيكالىق قۇرالدارمەن جابدىقتالعان ارنايى ورتا­لىق­تاردا وتكىزۋدى مىندەتتەيدى.  ولار تەحنيكالىق تالاپ­تار­دىڭ مىنسىزدىگىن قامتاما­سىز ەتىپ, جۇمىستى اۆتومات­تان­دىرۋدى مىندەتىنە الادى. اقمولا وبلىسى.