2011 جىلعى 25 تامىز, استانا, ۇكىمەت ءۇيى
«مال شارۋاشىلىعىن دامىتۋدى قولداۋعا جەرگىلىكتى بيۋدجەتتەردەن سۋبسيديالار تولەۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 31 جەلتوقسانداعى №2319 قاۋلىسىنا وزگەرىستەر مەن تولىقتىرۋلار ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «مال شارۋاشىلىعىن دامىتۋدى قولداۋعا جەرگىلىكتى بيۋدجەتتەردەن سۋبسيديالار تولەۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 31 جەلتوقسانداعى №2319 قاۋلىسىنا (قازاقستان رەسپۋبليكاسىنىڭ ءپۇاج-ى, 2010 ج., №5, 64-قۇجات) مىناداي وزگەرىستەر مەن تولىقتىرۋلار ەنگىزىلسىن:
كورسەتىلگەن قاۋلىمەن بەكىتىلگەن مال شارۋاشىلىعىن دامىتۋدى قولداۋعا جەرگىلىكتى بيۋدجەتتەردەن سۋبسيديالار تولەۋ ەرەجەسىندە:
1-تارماق مىناداي رەداكتسيادا جازىلسىن:
«1. وسى مال شارۋاشىلىعىن دامىتۋدى قولداۋعا جەرگىلىكتى بيۋدجەتتەردەن سۋبسيديالار تولەۋ ەرەجەسى (بۇدان ءارى – ەرەجە) قازاقستان رەسپۋبليكاسىنىڭ «اسىل تۇقىمدى مال شارۋاشىلىعى تۋرالى» 1998 جىلعى 9 شىلدەدەگى جانە «اگروونەركاسىپتىك كەشەندى جانە اۋىلدىق اۋماقتاردى دامىتۋدى مەملەكەتتىك رەتتەۋ تۋرالى» 2005 جىلعى 8 شىلدەدەگى زاڭدارىندا, مەملەكەتتىك, سالالىق (سەكتورالدىق), وڭىرلىك باعدارلامالاردا جانە وسى سالاداعى باسقا دا نورماتيۆتىك قۇقىقتىق اكتىلەردە كوزدەلگەن باعىتتار بويىنشا وبلىس بيۋدجەتىندە 010 «اسىل تۇقىمدى مال شارۋاشىلىعىن مەملەكەتتىك قولداۋ» جانە 013 «مال شارۋاشىلىعى ونىمدەرىنىڭ ونىمدىلىگىن جانە ساپاسىن ارتتىرۋدى سۋبسيديالاۋ» باعدارلاماسى بويىنشا كوزدەلگەن قاراجات ەسەبىنەن جانە ونىڭ شەگىندە مال شارۋاشىلىعىن دامىتۋعا جانە قازاقستان رەسپۋبليكاسىنىڭ ازىق-ت ۇلىك قاۋىپسىزدىگىن قامتاماسىز ەتۋگە باعىتتالعان قىزمەتتى جۇزەگە اسىراتىن اگروونەركاسىپتىك كەشەن سۋبەكتىلەرىن سۋبسيديالاۋ ءتارتىبىن ايقىندايدى.»;
2-تارماقتا:
2) تارماقشا مىناداي رەداكتسيادا جازىلسىن:
«2) اۋىل شارۋاشىلىعى جانۋارلارىن قولدان ۇرىقتاندىرۋ جونىندەگى قىزمەتتەر كورسەتۋشىلەرگە شىعىنداردى 100%-عا دەيىن وتەۋ;»;
مىناداي مازمۇنداعى 7) تارماقشامەن تولىقتىرىلسىن:
«7) دۇلەي اپاتتاردان زارداپ شەككەن اگروونەركاسىپتىك كەشەن سۋبەكتىلەرىنە ەكىنشى دەڭگەيدەگى بانكتەر, بانك قىزمەتىن جۇزەگە اسىرۋعا قۇقىق بەرەتىن ءتيىستى ليتسەنزياسى بار كرەديتتىك ۇيىمدار اۋىل شارۋاشىلىعى جانۋارلارىن ساتىپ الۋعا بەرگەن كرەديت بويىنشا سىياقى ستاۆكاسىنىڭ 80%-ىنا دەيىن سۋبسيديالاۋ. بۇل رەتتە سۋبسيديالانۋعا ءتيىس سىياقى ستاۆكاسى سۋبسيديالاۋ باعدارلاماسىنا قاتىساتىن بارلىق اگروونەركاسىپتىك كەشەن سۋبەكتىلەرى ءۇشىن بىردەي بولۋعا ءتيىس.»;
4-تارماق مىناداي مازمۇنداعى 4) تارماقشامەن تولىقتىرىلسىن:
«4) كورسەتىلگەن ۇيىمدار مەن قارىز الۋشى (اگروونەركاسىپتىك كەشەن سۋبەكتىسى) اراسىندا جاسالعان كرەديتتى وتەۋ جانە ول بويىنشا پايىزداردى تولەۋ كەستەسىمەن قوسا, ەكىنشى دەڭگەيدەگى بانكتەر, بانك قىزمەتىن جۇزەگە اسىرۋ قۇقىعىنا ءتيىستى ليتسەنزياسى بار كرەديتتىك ۇيىمدار راستاعان كرەديتتىك شارتتىڭ جانە (نەمەسە) الدىن الا شارتتىڭ كوشىرمەسىن.».
2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.