كەشە ۇكىمەت ۇيىندە پرەمەر-مينيستر باقىتجان ساعىنتاەۆ كانادانىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى شون ستايلمەن كەزدەسۋ وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى.
تاراپتار كەزدەسۋ بارىسىندا ەكىجاقتى ىنتىماقتاستىقتىڭ كوپتەگەن ماسەلەلەرىن, سولاردىڭ ىشىندە, ىسكەرلىك سەرىكتەستىكتى ودان ءارى دامىتۋ, قازاقستان-كانادا ىسكەرلىك كەڭەسىن وتكىزۋ, ساۋدا-ينۆەستيتسيالىق بايلانىستاردى نىعايتۋ مەن ءارتاراپتاندىرۋ, سونداي-اق, مادەني-گۋمانيتارلىق قاتىناستاردى نىعايتۋ ماسەلەلەرىن تالقىلادى.
بۇدان وزگە, ۆيزالىق رەجىمدى جەڭىلدەتۋ, ءوزارا تۋريستەر اعىنىن ۇلعايتۋ جانە قازاقستاندىق بالالاردى حوككەيگە ۇيرەتۋدىڭ قازاقستاندىق-كانادالىق قاناتقاقتى باعدارلاماسىن ىسكە اسىرۋ ماسەلەلەرى تالقىلاندى.