قازاقستان پارلامەنتشىلەرى مەملەكەتىمىزدىڭ 20 جىل ىشىندەگى قول جەتكىزگەن تابىستارى تۋرالى ەقىۇ پارلامەنتتىك اسسامبلەياسىنىڭ مۇشەلەرىنە جان-جاقتى بايانداپ بەردى, دەپ حابارلادى پارلامەنت ءماجىلىسىنىڭ ءباسپاسوز قىزمەتى.
حورۆاتيانىڭ دۋبروۆنيك قالاسىندا ءوتىپ جاتقان ەقىۇ پارلامەنتتىك اسسامبلەياسىنىڭ كەزەكتى كۇزگى وتىرىسى شەڭبەرىندە بولعان بۇل شارادا قازاقستان تۋرالى بەينەفيلم كورسەتىلدى جانە ەقىۇ پا مۇشەلەرىنە ەلىمىزدىڭ تابىستارى جايلى فوتوسۋرەتتەرمەن كوركەم بەزەندىرىلگەن كىتاپ تابىس ەتىلدى.
وسى جيىندا ءسوز العان پارلامەنت ءماجىلىسىنىڭ حالىقارالىق ىستەر, قورعانىس جانە قاۋىپسىزدىك كوميتەتىنىڭ توراعاسى امزەبەك جولشىبەكوۆ باق قونىپ, ىنتىماعى جاراسقان قازاق ەلىنىڭ ىشكى جانە سىرتقى ساياساتتاعى تابىستارى جونىندە اڭگىمەلەدى. ەل تاۋەلسىزدىگىنىڭ 20 جىلدىعى قارساڭىندا اتقارىلعان اۋقىمدى ىستەرگە توقتالدى.
قازاقستاندىق دەلەگاتسيا قۇرامىندا ءماجىلىس دەپۋتاتى ءامزەبەك جولشىبەكوۆپەن بىرگە, سۆەتلانا بىچكوۆا جانە سەناتورلار قۋانىش سۇلتانوۆ پەن ءادىل احمەتوۆ بار.