تاحاۋي احتانوۆ اتىنداعى وبلىستىق دراما تەاترىندا قازاقستان پرەزيدەنتى مادەنيەت ورتالىعىنىڭ «ۇلتتىق داستۇرلەر تەاترىنىڭ» «بايتەرەك» سپەكتاكلىنىڭ قويىلىمى ءوتتى. ەكى كۇن قاتارىنان قويىلعان سپەكتاكلگە جۇرتشىلىق كوپ جينالدى. سپەكتاكلدە ەلباسى نۇرسۇلتان نازارباەۆتىڭ ادەبي بەينەسى ايشىقتى شىققان. ەلباسىنىڭ ادامي تولعانىسى, مىنەز-قۇلقى, ءبىتىم-بولمىسى سيۋجەتتىك كورىنىستەرگە ارقاۋ بولعان.
– بۇل تەاتردىڭ گاسترولدىك ساپارمەن بيىل ەكىنشى رەت شىعۋى. مۇنىڭ الدىندا پاۆلوداردا بولعانبىز. بۇل قويىلىمدا ەلباسىنىڭ بەينەسىن جاساۋمەن بىرگە, تاۋەلسىزدىگىمىزدىڭ بۇگىنگى جەتكەن بيىگىن اشۋعا تىرىستىق. قويىلىمدا ءبارى بار, بي دە, ءان دە, حالقىمىزدىڭ سۋىرىپسالما اقىندىق ونەرى دە كورىنىس تابادى. بۇل سپەكتاكل سينتەزدىك ونەر تۋىندىسى. وسىلاردىڭ ءبارى ەلباسىنىڭ بەينەسىن اشۋعا قىزمەت ەتەدى. ەلباسى اتقارعان قىرۋار جۇمىستار سپەكتاكلدى كورگەندە كوز الدىڭا كەلە قالادى,–دەيدى تەاتردىڭ رەجيسسەرى ساۋلەبەك اسىلحانوۆ.
ساتىبالدى ءساۋىرباي, اقتوبە وبلىسى.