زايسان اۋدانىنىڭ اكىمى سەرىك ءزاينۋلديننىڭ باستاماسىمەن سارىتەرەك اۋىلىندا «تۋعان جەرگە تاعزىم» اكتسياسى بويىنشا كوڭىلگە شۋاق ۇيالاتاتىن ادەمى ءبىر جيىن بولىپ ءوتتى. ءوڭىر باسشىسى بەردىبەك ساپارباەۆ وتكەن جىلى زايسانعا كەلگەن ساپارىندا كاسىپكەر تالعات دۇيسەنباەۆ كەرى قايتارعان مادەنيەت ءۇيىن كۇردەلى ءجوندەۋگە 65 ميلليون تەڭگە تاۋىپ بەرگەن. سول قارجىعا مادەنيەت ءۇيى ءجوندەلىپ, 200 ورىندىق كلۋب, 18 كابينەتى بار ەمحانا, الەۋمەتتىك ءدارىحانا, تويحانا, كۇرەس ءبولمەسى, كىتاپحانا, ۋچاسكەلىك ينسپەكتور, اۋىلدىق اكىمدىك ءۇيى ورنالاستى.
س.زاينۋلدين اۋىل تۇرعىندارىن قۇتتىقتاپ, سوڭىنان ءۇش قالامگەرگە – ءامينا ساقاجانوۆا, سەرىك قۇسانباەۆ, بەكەن جاپاروۆقا «زايسان اۋدانىنىڭ قۇرمەتتى ازاماتى» دەگەن اتاقتى تابىس ەتتى. سارىتەرەكتىكتەر ءان مەن كۇيدى تاماشالاپ, وبلىس, اۋدان باسشىلارىنا العىسىن ايتتى.
وڭداسىن ەلۋباي, شىعىس قازاقستان وبلىسى.