«قازترانسگاز» اق ءوزىنىڭ قۇرىلىمدارىندا ازاماتتىق قورعانىس جانە توتەنشە جاعدايلاردىڭ الدىن الۋ ماقساتىنداعى شارالاردى ۇدايى جانە جۇيەلى جۇزەگە اسىرادى
«قازترانسگاز» اق تاراز قالاسىنداعى «قازترانسگازايماق» اق بازاسىندا «تاراز-2011» كوماندالىق-شتابتىق وقۋ-جاتتىعۋلارىن وتكىزەدى. بۇل وقۋ-جاتتىعۋ شارالارىنىڭ ماقساتى تاراز قالاسى شەڭبەرىندە مۇمكىن بولاتىن تابيعي اپاتتار كەزەڭىندەگى توتەنشە جاعدايلارعا بايلانىستى ادامدار مەن تەحنيكالاردى قۇتقارۋ, اپات سالدارىنىڭ الدىن الۋ جانە قالپىنا كەلتىرۋ جۇمىستارىن ءجۇزەگە اسىرۋ بولىپ تابىلادى.
الدا بولاتىن بۇل وقۋ-جاتتىعۋ ويىندارى ءۇش ستسەناري بويىنشا داميدى دەپ كۇتىلۋدە: 1) اپاتتى ءزىل-زالا سالدارىنان ءۇش قاباتتى اكىمشىلىك عيماراتى قۇلايدى جانە ءورت ورىن الادى. زارداپ شەككەندەر بار, قۇلاعان عيماراتتار استىندا ادامدار قالعان, گازبەن جابدىقتاۋ جۇيەسى ىستەن شىققان; 2) اپات سالدارىنان جەر استىمەن وتەتىن گاز تاراتۋ جۇيەسىنىڭ ەلەكترمەن دانەكەرلەنگەن قوسىندىسىنان گاز سىرتقا شىعىپ, ءورت سالدارىنان جارىلىس قاۋپى ورىن الادى. اپات سالدارىنان 315 جەكەمەنشىك ءۇي جانە 7 كوممۋنالدىق-تۇرمىستىق كاسىپورىن گازسىز قالعان; 3) داۋىلعا ۇلاسقان قاتتى جەل سالدارىنان اعاشتار قۇلاپ, ءۇلكەن اعاش بورەنەسى تاراتۋ پۋنكتىنىڭ شكافىنىڭ ۇستىنە قۇلاپ زاقىمدانعان. وسىنىڭ سالدارىنان تومەنگى قىسىمداعى گاز قۇبىرىنان سىرتقا گاز شىعۋ قاۋپى ورىن الىپ, 25 جەكەمەنشىك ءۇيدى جانە 3 ءتورت قاباتتى كوپ پاتەرلى ءۇيدى گازبەن جابدىقتاۋ جۇيەسىنەن ايىرۋعا تۋرا كەلدى.
كوماندالىق-شتابتىق جاتتىعۋلار التى جارىم ساعاتقا سوزىلادى. وسى ۋاقىت ىشىندە بەلگىلەنگەن ستسەناري بويىنشا اكىمشىلىك عيماراتتاعى ادامداردى قۇتقارۋ جۇمىسى جۇزەگە اسىرىلۋعا, زارداپ شەككەندەرگە مەديتسينالىق كومەك كورسەتىلۋگە, گاز جۇيەلەرىندە جانە قوندىرعىلارىندا ورىن العان اپاتتى جاعدايلاردى جويۋ جانە زالالسىزداندىرۋ, تاراز قالاسىنداعى تۇرعىن ۇيلەرمەن كوممۋنالدىق كاسىپورىنداردى گازبەن قامتاماسىز ەتۋدى قالپىنا كەلتىرۋ شارالارى جۇزەگە اسىرىلۋعا ءتيىس.
وقۋ-جاتتىعۋ شارالارى بارىسىندا مىنا ماسەلەلەردى جۇزەگە اسىرۋ جوسپارلانۋدا:
– تابيعي اپات ورىن العان ايماقتا اپاتتىڭ الدىن الۋ جانە ىزدەستىرۋ-قۇتقارۋ شارالارىن جۇرگىزۋ كەزىندە بارلىق قۇرىلىمداردىڭ ناقتى قىزمەتى مەن ۇيىمداستىرۋشىلىق جۇمىستارىنىڭ جالپى ماقساتىن جۇزەگە اسىرۋ;
– توتەنشە جاعدايلار سالدارلارىنىڭ الدىن الۋ شارالارى بويىنشا قىزمەتكەرلەردىڭ تاجىريبەلەرىن جەتىلدىرۋ, زارداپ شەككەندەرگە ءبىرىنشى كومەك شارالارىن جاساۋ, قاجەت بولعان جاعدايدا جەتەكشىلەردىڭ ءتيىستى شەشىمدەر قابىلداۋىن جۇزەگە اسىرۋ;
– ديسپەتچەرلىك قىزمەتتىڭ دايىندىعىن, بايلانىس جانە تۇرعىنداردى دەر كەزىندە حاباردار ەتۋ ماسەلەلەرىن ۇيىمداستىرۋ جاعدايىن تەكسەرۋ;
– زارداپ شەككەندەردى قاۋىپتى ايماقتاردان كوشىرۋ جانە ولاردىڭ قالىپتى ومىرگە قاجەتتى تۇرمىس جاعدايلارىن جاساۋ جانە تاعى باسقا قاجەتتى شارالاردى ۇيىمداستىرۋ.
كوماندالىق-شتابتىق وقۋ-جاتتىعۋ شارالارىنا قۇتقارۋ جانە اپاتتىڭ الدىن الۋ جونىندەگى تەحنيكالىق كوماندالار, «قازترانسايماق» اق جامبىل فيليالىنىڭ وندىرىستىك قۇرىلىمدارى قاتىسادى. سونىمەن بىرگە, شارالارعا جامبىل وبلىستىق توتەنشە جاعدايلار دەپارتامەنتىنىڭ «جەدەل قۇتقارۋ وتريادى» مك, «اپاتتان قۇتقارۋ جۇمىسى ءجانە ورتكە قارسى شارالار قىزمەتى» مم قاتىسادى.
4 قازاندا جامبىل وبلىسىنداعى امانگەلدى كەن ورنىنداعى «امانگەلدىگاز» جشس سەرىكتەس كاسىپورىننىڭ بازاسىندا «قازترانسگاز» اق ازاماتتىق قورعانىس كۇشتەرى مەن قۇرالدارى جانە توتەنشە جاعدايلاردىڭ الدىن الۋ ءجونىندەگى قۇتقارۋ جانە باسقا جۇمىس قۇرىلىمدارىنىڭ قاتىسۋىمەن كوماندالىق-شتابتىق وقۋ-جاتتىعۋ شارالارىن وتكىزدى. بۇل شارانىڭ باستى ماقساتى «قازترانسگاز» اق كومپانيالار توبىنا قاراستى قۇرىلىمداردىڭ ازاماتتىق قورعانىس جانە توتەنشە جاعدايلار شارالارى بويىنشا ءتيىمدى بىرلەسكەن جۇمىسىن جۇزەگە اسىرۋ بولىپ تابىلادى. وقۋ-جاتتىعۋ ۇيىمدارىنىڭ ماقساتى اپاتتى جاعدايلار جانە تەحنوگەندىك ۇدەرىستەر ىستەن شىققان كەزدە قۇتقارۋ جانە اپاتتىڭ الدىن الۋ قۇرىلىمدارىنىڭ جۇمىسىن ءتيىمدى دە ىقپالدى ۇيىمداستىرۋ بولىپ تابىلادى. وقۋ-جاتتىعۋ «امانگەلدى» كەن ورنىنىڭ كەشەندى گاز قوندىرعىسى ورنالاسقان №101 ۇڭعىماسى ايماعىنداعى ۇڭعى ماڭايىندا وتكىزىلەدى.
وقۋ-جاتتىعۋ ويىندارىنا «قازمۇنايگاز» ۇك» اق-نىڭ, «قازترانسگاز» اق-نىڭ جانە وسى اكتسيونەرلىك قوعامداردىڭ سەرىكتەس كومپانيالارىنىڭ جەتەكشىلەرى مەن قىزمەتكەرلەرى, سونىمەن بىرگە «امانگەلدىگاز» جشس-نىڭ ازاماتتىق قورعانىس قۇرىلىمدارىنىڭ باسشىلارى مەن قىزمەتكەرلەرى قاتىستى.
«قازترانسگاز» اق قازاقستان گازىن تاراتۋ, تاسىمالداۋ, يگەرۋ جانە گاز كەن ورىندارىن انىقتاۋ جۇيەلەرىنىڭ اكتيۆتەرىنە كورپوراتيۆتىك باسقارۋ جۇرگىزۋ ماقساتىندا گاز سالاسىنا جۇيەلى جەتەكشىلىك جۇمىس جۇرگىزۋ ءۇشىن 2000 جىلى قۇرىلعان بولاتىن. «قازترانسگاز» قازاقستاننىڭ «قازمۇنايگاز» ۇلتتىق مۇناي-گاز كومپانياسىنىڭ قۇرامىنا كىرەدى. ال «امانگەلدىگاز» جشس 2003 جىلى بىرىڭعاي قاتىسۋشى – «قازترانسگاز» اق-نىڭ جامبىل وبلىسىنىڭ كەلىسىم-شارتتىق اۋماعىندا مۇناي وپەراتسيالارىن جۇرگىزۋ ماقساتىندا وسى اكتسيونەرلىك قوعامنىڭ اتىنان جانە ونىڭ تاپسىرمالارىن ورىنداۋ ماقساتىندا قۇرىلعان بولاتىن. سول 2003 جىلدان باستاپ «امانگەلدى» كەن ورنىنداعى گاز كوندەنساتىن پايدالانۋ جانە امانگەلدى كەن ورنىنداعى گاز كەنىن انىقتاۋ توبىنىڭ كەن ورىندارىن ىزدەۋ, يگەرۋ جانە ونى پايدالانۋعا بەرۋ جۇمىستارىمەن اينالىسادى.
جىلقىباي جاعىپار ۇلى.