وسكەمەننىڭ جاڭا اكىمى قۋات تۇماباەۆ قالا تۇرعىندارىمەن كەزدەسكەندە تۇرعىنداردىڭ ءبىرى استانا كوشەسىنىڭ بويىنداعى ءۇلبى وزەنىنىڭ جاعالاۋىن ءۇيسىز-كۇيسىز ادامداردىڭ جايلاپ الىپ, ىشىمدىك ءىشىپ, اۋماقتى لاستاپ جاتقانىن جەتكىزگەن ەدى.
شاھار باسشىسى كەشە قاسىنا قالانىڭ پروكۋرورى, ىشكى ىستەر ءبولىمىنىڭ, جەرگىلىكتى پوليتسيا قىزمەتىنىڭ باسشىلارىن ەرتىپ, سول جەرگە ارنايى بارىپ, جاعدايدى ءوز كوزىمەن كوردى. اقىرى ويلانا كەلە ولاردى گلۋبوكوە اۋدانىنىڭ بەلوۋسوۆكا كەنتىندە ورنالاسقان تۇراقتى مەكەنجايى جوق ادامدارعا ارنالعان الەۋمەتتىك بەيىمدەۋ ورتالىعىنا جىبەرۋدى جونىندە شەشىم قابىلدادى. ايتا كەتەيىك, مۇندا باسپاناسى جوق جاندارعا تولىق جاعداي جاسالعان, قۇجاتتارىن قالپىنا كەلتىرۋگە, جۇمىس تاۋىپ بەرۋگە جاردەم كورسەتىلەدى.
ازامات قاسىم,
«ەگەمەن قازاقستان»
وسكەمەن