«مەملەكەت سەندەردى ەلىمىزدىڭ سەنىمدى ءىزباسارلارى رەتىندە قالىپتاسۋلارىڭا جان-جاقتى قامقورلىق كورسەتىپ كەلەدى. بۇگىندە تەگىن كاسىپتىك-تەحنيكالىق ءبىلىم الۋعا جول اشىق. جوعارى وقۋ ورىندارىنا گرانت ۇتىپ الۋدىڭ مۇمكىندىكتەرى مول. مەكتەپ قابىرعاسىندا العان بىلىمدەرىڭدى ودان ءارى تەرەڭدەتىپ, ەكونوميكانىڭ دامۋىنا ءوز ۇلەستەرىڭدى قوسۋلارىڭا تىلەكتەسپىن», دەدى وبلىس اكىمى.
ءوز سوزىندە ماماندىقتى جۇرەك قالاۋىمەن تاڭداپ, باسەكەلەستىك ورتاعا قابىلەتتى بولۋعا كەڭەس بەردى. ومىرلىك تاڭداۋدا قاتەلەسپەۋ كەرەكتىگىن اتاپ كورسەتتى.
تۇلەكتەر اتىنان ءسوز العان الەكساندرا سەمچەنكو ءوزىنىڭ دەنە شىنىقتىرۋ ماماندىعىن قالايتىنىن جەتكىزدى. ول سپورتتىڭ بىرنەشە تۇرىمەن جاتتىعادى. رەسپۋبليكانىڭ, وبلىستىڭ بىرنەشە دۇركىن چەمپيونى. پرەزيدەنتتىك كوپ سايىستان سپورت شەبەرلىگىنە كانديدات, ال مالتۋدان ءبىرىنشى ەرەسەكتەر رازريادى بار.
ق. اقساقالوۆ 64 وقۋشىعا ەسكەرتكىش سىيلىقتار تارتۋ ەتتى.
ءومىر ەسقالي, «ەگەمەن قازاقستان»