مارتەبەلى مەيماندى ەلوردا اۋەجايىنان قازاقستاننىڭ قورعانىس جانە اەروعارىش ونەركاسىبى ءمينيسترى بەيبىت اتامقۇلوۆ پەن استانا قالاسى اكىمىنىڭ ورىنباسارى ماليكا بەكتۇروۆا كۇتىپ الدى.
ايتا كەتەرلىگى, ەرتەڭ كەشكىسىن وتەتىن حالىقارالىق مامانداندىرىلعان كورمەنىڭ سالتاناتتى اشىلۋ راسىمىنە 17 ەلدىڭ مەملەكەت جانە ۇكىمەت باسشىلارى قاتىساتىن بولادى.
بۇعان دەيىن ەلوردادا 8-9 ماۋسىم كۇندەرى وتەتىن شانحاي ىنتىماقتاستىق ۇيىمى سامميتىنە قاتىسۋ ءۇشىن اۋعانستان پرەزيدەنتى اشراف گاني احمادزاي, موڭعوليا پرەزيدەنتى تساحياگين ەلبەگدورج, قحر توراعاسى سي تسزينپين, وزبەكستان پرەزيدەنتى شاۆكات ميرزيەەۆ, پاكىستان پرەزيدەنتى مامنۋن حۋسەين, رەسەي پرەزيدەنتى ۆلاديمير ءپۋتيننىڭ كەلگەنىن حابارلاعان بولاتىنبىز.
شىۇ ءسامميتى بارىسىندا پاكىستان مەن ءۇندىستان اتالعان ۇيىمعا مۇشەلىككە قابىلدانادى دەپ كۇتىلۋدە. وسىلايشا, شىۇ جەر تۇرعىندارىنىڭ 40 پايىزىن, الەم ەكونوميكاسىنىڭ شامامەن ۇشتەن ءبىرىن قامتيتىن بولادى. بۇگىندە ۇيىمعا رەسەي, قىتاي, قازاقستان, قىرعىزستان, تاجىكستان جانە وزبەكستان ەلدەرى مۇشە. قازىرگى ۋاقىتتا شىۇ توراعاسى - قازاقستان. ەرتەڭگى سامميت بارىسىندا توراعالىق قىتاي تاراپىنا وتەدى.