قاۋىپسىزدىكتىڭ وزەكتى ماسەلەلەرى تالقىلاندى

ءىس-شاراعا قازاقستان, قىتاي, قىر­عىزستان, رەسەي, تاجىكستان مەن وزبەكستان قورعانىس ۆەدوم­ست­ۆو­لارىنىڭ باسشىلارى, شىۇ باس حاتشىسى جانە شىۇ وڭىرلىك لاڭ­كەس­تىككە قارسى قۇرىلىمى اتقارۋشى كوميتەتىنىڭ ديرەكتورى قاتىستى.  كەڭەس بارىسىندا حالىقارالىق جانە وڭىرلىك قاۋىپسىزدىكتىڭ وزەكتى ماسەلەلەرى جونىندە كونسترۋكتيۆتى پىكىر الماسۋ ءوتتى. شىۇ-عا مۇ­شە مەملەكەتتەر ءۇشىن زاماناۋي قاۋىپ-قاتەر كەزىندەگى باسىم مىن­دەت وڭىردەگى بەيبىتشىلىكتى, قاۋ­­ىپ­سىزدىك پەن تۇراقتىلىقتى ساق­­تاۋ جانە نىعايتۋ بولىپ تا­بى­لا­تىنىن ايتا كەتكەن ءجون. وتى­رىس­قا قاتىسۋشىلار وتكەن جىلعى ىنتىماقتاستىققا تالداۋ جاساپ, قورىتىندىسىن شى­عاردى.  ودان باسقا, شىۇ ەلدەرىنىڭ قور­عانىس ۆەدومستۆولارى اراسىن­دا ءوزارا ءىس-قيمىلدى ءارى قا­راي­عى دامىتۋ پەرسپەكتيۆا­لا­رى قا­راس­تى­رىلدى. ونىڭ قورى­تىن­دىسى بويىنشا 2018-2019 جىل­دار­عا ارنالعان شىۇ-عا مۇشە مەم­لەكەت­تەر قورعانىس مي­ني­س- تر­لىك­تەرىنىڭ ىنتىماقتاستىق جوس­پا­رى بەكىتىلىپ, تاريحي جانە ما­دە­ني مۇرانى زەردەلەۋ جانە ساق­تاۋ اياسىندا اسكەري ۆەدومستۆولار اراسىنداعى ني­ەتتەستىك تۋرالى حاتتاماعا قول قويىلدى.  شانحاي ىنتىماقتاستىق ۇي­­ىمى­نا مۇشە مەملەكەتتەر قور­عا­نىس مي­نيسترلەرىنىڭ كەلەسى وتىرى­سى 2018 جىلى قىتاي حالىق رەس­پۋب­­لي­كاسىندا وتكىزىلەدى دەپ جوس­پارلانۋدا. 

ءاليسۇلتان قۇلانباي,  «ەگەمەن قازاقستان»