بىرقاتار شەتەلدىك بۇقارالىق اقپارات قۇرالدارى قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ فرانتسياعا جۇمىس ساپارى تۋرالى حابارلار تاراتۋدا. ولاردا قازاقستان باسشىسىنىڭ فرانتسيا پرەزيدەنتى نيكوليا ساركوزيمەن كەزدەسۋىنىڭ ناتيجەلى بولعاندىعى تۋرالى باياندالادى.
قازاقستان مەن فرانتسيا پرەزيدەنتتەرى نۇرسۇلتان نازارباەۆ پەن نيكوليا ساركوزي قازاقستان باسشىسىنىڭ پاريجگە جۇمىس ساپارى شەڭبەرىندە ەكى ەل اراسىنداعى قىزمەتتەستىكتى ودان ءارى دامىتۋ ءجونىندە بىرلەسكەن دەكلاراتسيا قابىلدادى.
19 قىركۇيەكتە فرانتسيا پرەزيدەنتى نيكوليا ساركوزيدىڭ شاقىرۋى بويىنشا قازاقستان پرەزيدەنتى نۇرسۇلتان نازارباەۆتىڭ پاريجدە جۇمىس ساپارى ءوتتى. كەلىسسوزدەردە مەملەكەتتەر باسشىلارى «نازارباەۆ-ساركوزي» پرەزيدەنتتىك كوميسسيانىڭ جۇمىسىن, ساياسي, ەكونوميكالىق جانە مادەني-گۋمانيتارلىق سالالارداعى ستراتەگيالىق ارىپتەستىكتىڭ جاعدايى مەن بولاشاعىن, سول سياقتى, وڭىرلىك جانە حالىقارالىق كوكەيكەستى پروبلەمالاردى تالقىلادى.
* * *
قازاقستان پرەزيدەنتى نۇرسۇلتان نازارباەۆتىڭ فرانتسياعا جۇمىس ساپارى شەڭبەرىندە فرانتسۋز اۆتوبۋستارى ءۇشىن تيتاننان جوعارى تەحنولوگيالى ونىمدەر وندىرەتىن بىرلەسكەن زاۋىت ىسكە قوسىلدى.
اتالعان كاسىپورىندى فرانتسۋزدىڭ «وبەر ە ديۋۆال» كومپانياسى مەن ءوسكەمەن تيتان-ماگني كومبيناتى بىرلەسىپ قۇرىپ وتىر.
قازاقستان پرەزيدەنتى «وبەر ە ديۋۆال» كومپانياسىنىڭ پرەزيدەنتى جورج ديۋۆالمەن كەزدەسۋ وتكىزىپ, بىرلەسكەن جوبانى العا باستىرۋ ماسەلەلەرىن تالقىلادى.
قازىرگى كۇنى وسكەمەن تيتان-ماگني كومبيناتى «وبەر ە ديۋۆال» كومپانياسىمەن بىرلەسىپ اۆياتسيا ونەركاسىبى ءۇشىن ونىمدەر شىعاراتىن ەكى زاۋىت اشىپ وتىر.
پاريجدە جۇمىس ساپارىمەن ءجۇرگەن قازاقستان پرەزيدەنتى نۇرسۇلتان نازارباەۆ فرانتسيا پرەزيدەنتى نيكوليا ساركوزيمەن كەزدەسىپ, ونىڭ قورىتىندىسىندا بىرلەسكەن دەكلاراتسيا قابىلداندى. وندا كەلىسسوزدەردىڭ نەگىزگى قورىتىندىلارى مەن تاراپتاردىڭ كەشەندى قىزمەتتەستىكتى ودان ءارى دامىتۋ ءجونىندەگى نيەتتەرى كورىنىس تاپقان.
فرانتسيا مەن قازاقستان باسشىلارى كەلىسسوزدەر بارىسىندا «نازارباەۆ-ساركوزي» پرەزيدەنتتىك كوميسسيا جۇمىسىن, سونداي-اق, جاھاندىق جانە ومىرلىك پروبلەمالاردى تالقىلادى.
قازاقستان پرەزيدەنتى نۇرسۇلتان نازارباەۆ اتىراۋ وبلىسىنا جۇمىس ساپارىن اياقتاپ, فرانتسياعا كەلدى.
اتىراۋ وبلىسىندا پرەزيدەنت «شەۆرون» كومپانياسىنىڭ مەتالل-پلاستيك قۇبىرلار شىعاراتىن جاڭا زاۋىتىندا بولىپ, جۇرتشىلىق وكىلدەرىمەن كەزدەستى. ساپار بارىسىندا مەملەكەت باسشىسى جەرگىلىكتى بيلىك وكىلدەرىمەن ءوڭىردىڭ تاۋەلسىزدىكتىڭ 20 جىلدىعىن تويلاۋعا دايىندىق ۇدەرىسىن, سول سياقتى, بولاشاق دامۋ پەرسپەكتيۆالارىن تالقىلادى.
ن.نازارباەۆ فرانتسۋز رەسپۋبليكاسىنا ساپارى بارىسىندا فرانتسيا پرەزيدەنتى نيكوليا ساركوزيمەن كەزدەستى.
قازاقستان پرەزيدەنتى نۇرسۇلتان نازارباەۆ سەنبى كۇنى اتىراۋ اۋەجايىنان فرانتسياعا ۇشىپ كەلدى.
مەملەكەت باسشىسى فرانتسۋز رەسپۋبليكاسىنا ساپارى بارىسىندا فرانتسيا پرەزيدەنتى نيكوليا ساركوزيمەن كەزدەستى. كەزدەسۋگە سونداي-اق پرەمەر-ءمينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆ, قاۋىپسىزدىك كەڭەسىنىڭ حاتشىسى مارات ءتاجين جانە باسقا دا رەسمي ادامدار قاتىستى.
قازاقستان پرەزيدەنتى نۇرسۇلتان نازارباەۆتىڭ فرانتسياعا جۇمىس ساپارى شەڭبەرىندە ەكى جاقتى ساۋدا-ەكونوميكالىق جانە يندۋستريالىق-تەحنولوگيالىق قىزمەتتەستىكتىڭ جاڭا پەرسپەكتيۆالارى ايقىندالدى.
اتاپ ايتقاندا, ەكى ەل باسشىلارى استانا مەن پاريج اراسىندا تاياۋ ۋاقىتتاردا تىكە اۋە قاتىناسى ورناۋىنا تىلەك ءبىلدىردى.
ونىڭ سىرتىندا ەكى ەل پرەزيدەنتتەرى «قازاتومپروم» ۇاك» اق پەن «Areva» توبىنىڭ اراسىنداعى ءارىپتەستىكتىڭ ستراتەگيالىق سيپاتىن اتاپ كورسەتىپ, «قازاتومپروم» ۇاك» اق پەن فرانتسيا گەولوگيالىق جانە تاۋ-كەن زەرتتەۋلەر بيۋروسى اراسىنداعى جەردە سيرەك كەزدەسەتىن مەتالدار بويىنشا لابوراتوريا قۇرۋعا باعىتتالعان ستراتەگيالىق ارىپتەستىك تۋرالى كەلىسىمگە قول قويىلۋىن قۇپتادى.
* * *
قازاقستان مەن فرانتسيا پرەزيدەنتتەرى 2013 جىلى قازاقستانداعى فرانتسيا مادەنيەتى ماۋسىمىن جانە 2014 جىلى فرانتسياداعى قازاقستان مادەنيەتى ماۋسىمىن وتكىزۋگە قولداۋ ءبىلدىردى, دەلىنگەن نۇرسۇلتان نازارباەۆتىڭ پاريجگە جۇمىس ساپارى قورىتىندىسى بويىنشا قابىلدانعان بىرلەسكەن دەكلاراتسيادا.
پرەزيدەنت نيكوليا ساركوزي قازاقستانعا تاعى دا كەلۋ تۋرالى پرەزيدەنت نۇرسۇلتان نازارباەۆتىڭ شاقىرۋىن قابىل الدى. ساپار مەرزىمى ديپلوماتيالىق ارنالار بويىنشا كەلىسىلەتىن بولادى, دەپ كورسەتىلگەن دەكلاراتسيادا.