ەۋرازيالىق ەكونوميكالىق كوميسسيا القاسىنىڭ توراعاسى (ەەك) تيگران ساركيسيان يران يسلام رەسپۋبليكاسىنىڭ رەسەي فەدەراتسياسىنداعى ەلشىسى مەدي سانايمەن بىرگە يران مەن ەۋرازيالىق ەكونوميكالىق وداق ەلدەرى اراسىندا ەركىن ساۋدا ايماعىن قۇرۋعا قاتىستى ماسەلەنى تالقىلادى, دەپ حابارلايدى ەاەو.
تيگران ساركيسياننىڭ ايتۋىنشا, ەكى ەل اراسىندا ەركىن ساۋدا ايماعىن قۇرۋ - ەۋرازيالىق ينتەگراتسيالىق بىرلەستىك پەن يران اراسىنداعى ارىپتەستىكتىڭ ماڭىزدى بولىگى. ەەك القاسى توراعاسى ەاەو ەلدەرى يرانمەن ەكونوميكالىق ىنتىماقتاستىق قۇرۋعا مۇددەلى ەكەنىن مالىمدەدى. وداققا مۇشە مەملەكەتتەردىڭ باسشىلارى دا ەۋرازيالىق ەكونوميكالىق وداق پەن يران اراسىنداعى قىرام-قاتىناستاردى تەرەڭدەتۋدى قولدايدى.
«ەكىجاقتى قارىم-قاتىناستىڭ قوس تاراپتىڭ دا ەكونوميكاسىن العا سۇيرەي الاتىن الەۋەتى بار», - دەدى ەەك القا توراعاسى.
ءوز كەزەگىندە مەحدي ساناي يراننىڭ وداققا مۇشە ەلدەرمەن ەركىن ساۋدا ايماعىن قۇرۋعا ەرەكشە ىقىلاستى ەكەندىگىن جانە بۇل پروتسەستىڭ مۇمكىندىگىنشە جەدەل ءجۇرۋىن قالايتىندىعىن ايتتى.
«يران ەاەو ۇيىمىنا مۇشە ەلدەردىڭ بارلىعىمەن جاقسى قارىم-قاتىناستا. سوندىقتان بىزدە ءتيىمدى ىنتىماقتاستىقتى قالىپتاستىرۋ ءۇشىن بارلىق شارتتار بار»,-دەدى يران يسلام رەسپۋبليكاسىنىڭ رەسەي فەدەراتسياسىنداعى ەلشىسى.
كەزدەسۋ سوڭىندا تاراپتار مەحدي سانايدىڭ يراندا عالىمدار مەن ىسكەر توپ وكىلدەرىنىڭ قاتىسۋىمەن ەەك جۇمىسىن ناسيحاتتاۋ, ەاەو جۇمىسى مەن وعان مۇشە ەلدەرمەن اراداعى ەكونوميكالىق ىنتىماقتاستىقتىڭ پەرسپەكتيۆالارىن بولاشاعىنا قاتىستى كونفەرەنتسيا وتكىزۋ باستاماسىن قولدادى.