ورتالىق كوممۋنيكاتسيالار قىزمەتىندە قازاقستان رەسپۋبليكاسى پرەزيدەنتىنىڭ «التىن ساپا» سىيلىعى, «قازاقستاننىڭ ۇزدىك تاۋارى» رەسپۋبليكالىق كورمە-بايقاۋى, «اتامەكەن» ۇلتتىق كاسىپكەرلەر پالاتاسىنىڭ «ىسكەر» ارنايى سىيلىعى جانە « ۇلى دالا ەلى» بىرىڭعاي برەندىن پايدالانۋ قۇقىعىن تاعايىنداۋعا ارنالعان بايقاۋ جەڭىمپازدارىن سالتاناتتى ماراپاتتاۋ راسىمىنە ارنالعان ءباسپاسوز ءماسليحاتى ءوتتى.
بۇل شارالار تۋرالى «اتامەكەن» ۇكپ جۇمىسپەن قامتۋ ءجونىندەگى دەپارتامەنت ديرەكتورى جەڭىسبەك دۋلاتوۆ اڭگىمەلەپ بەردى. سونىمەن قاتار, جيىنعا «التىن ساپا» سىيلىعىنىڭ 2015 جىلعى لاۋرەاتى, «ەلتەكس الاتاۋ» جشس باس ديرەكتورى نۇرلان جانىبەكوۆ پەن «قازاقستاننىڭ ءۇزدىك تاۋارى» رەسپۋبليكالىق كورمە-بايقاۋىنىڭ 2015 جىلعى ديپلومانتى, «رىبپروم» جشس ديرەكتورى باقىتجان مۇسانوۆ قاتىستى.
– قازاقستان رەسپۋبليكاسى پرەزيدەنتىنىڭ «التىن ساپا» سىيلىعى بايقاۋى «وندىرىستىك ماقساتتاعى ۇزدىك كاسىپورىن», «حالىق تۇتىناتىن تاۋارلار وندىرەتىن ۇزدىك كاسىپورىن», «قىزمەت كورسەتۋ سالاسىنداعى ۇزدىك كاسىپورىن» اتالىمدارى بويىنشا وتكىزىلەدى. ءار اتالىمدا شاعىن, ورتا جانە ءىرى كاسىپكەرلىك سۋبەكتىلەرى تۇرعىسىندا ءۇش سىيلىق بەرىلەدى, – دەدى ج.دۋلاتوۆ. ونىڭ ايتۋىنشا, «التىن ساپا» بايقاۋىنا قاتىسۋعا 187 ءوتىنىم قابىلدانىپ, ونىڭ ىشىندە 138 كومپانيا الدىن-الا باعالاۋدان سۇرىنبەي وتكەن. بۇل بايقاۋدا 59 شاعىن, 47 ورتا جانە 32 ءىرى كومپانيا باق سىنادى. ال «قازاقستاننىڭ ۇزدىك تاۋارى» رەسپۋبليكالىق كورمە-بايقاۋى «ءوندىرىستىك ماقساتتاعى ۇزدىك تاۋارلار», «حالىق تۇتىناتىن ۇزدىك تاۋارلار», «ۇزدىك ازىق-ت ۇلىك تاۋارلارى» اتالىمدارى بويىنشا وتەدى.
ۇلتتىق كاسىپكەرلەر پالاتاسى بيىلعى جىلدىڭ 16 شىلدەسى مەن 31 تامىزى ارالىعىندا «قازاقستاننىڭ ۇزدىك تاۋارى» كورمە-بايقاۋلارىن وتكىزىپ, ولارعا 674 شاعىن, ورتا جانە ءىرى كاسىپورىن قاتىسىپتى. ءناتيجەسىندە 145 كومپانيا رەسپۋبليكالىق سايىسقا جولداما العان. مىنە, وسى رەسپۋبليكالىق سىندا جەڭىسكە جەتكەندەر ءتورت جىل بويى بايقاۋ بەلگىسىن جارنامالىق ماقساتتا قولدانا الادى.
«اتامەكەن» ۇلتتىق كاسىپكەرلەر پالاتاسىنىڭ «ىسكەر» سىيلىعى قازاقستان رەسپۋبليكاسى پرەزيدەنتىنىڭ «التىن ساپا» سىيلىعىن الۋعا ارنالعان بايقاۋ مەن «قازاقستاننىڭ ۇزدىك تاۋارى» رەسپۋبليكالىق كورمە-بايقاۋى اياسىندا اتالعان سىيلىقتارعا ۇمىتكەر بولعان, الايدا ءجۇلدەگەرلەر قاتارىنا ىلىكپەگەن كونكۋرسقا قاتىسۋشىلاردى قوسىمشا ىنتالاندىرۋ امالى رەتىندە بەكىتىلگەن. 283 كاسىپورىننان الدىڭعى قاتارلى وزىق تاجىريبەسى ىنتالاندىرۋ مەن قولداۋعا لايىق 10 كاسىپورىن «ىسكەر» بايقاۋىنىڭ جەڭىمپازدارى اتاندى.
بيىلعى جىلدىڭ قاراشا ايىندا «اتامەكەن» ۇلتتىق كاسىپكەرلەر پالاتاسى « ۇلى دالا ەلى» جالپىۇلتتىق برەندىن قولدانۋ قۇقىعىن تابىستاۋعا بايلانىستى بايقاۋدىڭ وتكىزىلەتىنىن حابارلاعانى بەلگىلى. « ۇلى دالا ەلى» بەلگىسى ەلىمىزدىڭ بەتكەۇستار ءبىرتۇتاس برەندى سيپاتىندا ساپالى ءونىم مەن قىزمەتتەردى بىرىكتىرۋگە مۇمكىندىك بەرەدى. بۇل ءبىر جاعىنان, جەڭىمپازدارعا ارنالاتىن قوسىمشا جەڭىلدىكتەردى ەسكەرەر بولساق, ءوندىرۋشىلەردى جاڭا بەلەستەردى باعىندىرۋعا ىنتالاندىرسا, ەكىنشى جاعىنان, قازاقستاننىڭ حالىقارالىق دارەجەدە تانىمالدىعىن ارتتىرىپ, بەدەلىن نىعايتادى.
بايقاۋعا قاتىسۋشىلارعا ەكسپورتقا بەيىمدىلىك, جەرگىلىكتى قامتۋ ۇلەسى, حالىقارالىق ماراپاتتاردىڭ بولۋى, برەند اتاۋى مەن قازاقستاننىڭ شەتەلدە بىردەي قابىلدانۋى سياقتى تالاپتار قويىلدى.
شارا بارىسىندا 23 تىلەك ءبىلدىرۋشى تاراپتىڭ ءوتىنىمى قارالىپ, ىرىكتەلگەن 12 ۇمىتكەردىڭ ءوندىرىس ورنىنا اتتانعان كوميسسيا ساپار قورىتىندىسىندا التاۋىن تاڭداپ, ولار ۇلتتىق پالاتا سايتىنداعى ونلاين داۋىس بەرۋگە ۇسىنىلدى. 2 جەلتوقساندا داۋىس بەرۋ ناتيجەسى ساراپتالىپ, ءۇش ۇزدىك كاسىپورىن, جوعارىدا كەلتىرىلگەن بايقاۋ جەڭىمپازدارى سياقتى 6 جەلتوقساندا ماراپاتتالاتىن بولادى.
داستان كەنجالين,
«ەگەمەن قازاقستان»