قىتايلىق تۋريستەردى ەلگە تارتۋ ستراتەگياسى اياسىندا قازاقستان 2016 جىلى 25-27 قاراشادا قىسقى تۋريزم تۇرلەرى بويىنشا ءۇرىمشى قالاسىندا وتكەن WTT-2016 حالىقارالىق تۋريستىك كورمەگە قاتىستى, دەپ حابارلادى ينۆەستيتسيالار جانە دامۋ مينيسترلىگى.
قىتايلىق تۋريستەردى ەلگە تارتۋ ستراتەگياسى اياسىندا قازاقستان 2016 جىلى 25-27 قاراشادا قىسقى تۋريزم تۇرلەرى بويىنشا ءۇرىمشى قالاسىندا وتكەن WTT-2016 حالىقارالىق تۋريستىك كورمەگە قاتىستى. كورمەدە جالپى 28 ەلدىڭ, ونىڭ ىشىندە رەسەي, وزبەكستان, ارمەنيا, يسلانديا, نورۆەگيا, مالايزيا ەلدەرىنىڭ دەلەگاتسيالارى باس قوستى.
قازاقستاندىق ستەندتى قر ينۆەستيتسيالار جانە دامۋ مينيسترلىگى تۋريزم يندۋسترياسىن دامىتۋ دەپارتامەنتىنىڭ تاپسىرىسى بويىنشا «اتامەكەن» ۇكپ جانىنداعى قازاقستاننىڭ سىرتقى ساۋدا پالاتاسى ازىرلەدى. قازاقستاندىق دەلەگاتسيا قۇرامىندا الماتى قالاسى اكىمدىگى مەن شىعىس قازاقستان وبلىسى اكىمدىگىنىڭ وكىلدەرى جانە «جىبەك جولى – اپ» جشس, «KazUnion» جشس, "Bekzada" جشس, «Abdi Travel» جشس تۋريستىك وپەراتورلار بولدى.
كورمە بارىسىندا قر يدم تۋريزم يندۋسترياسىن دامىتۋ دەپارتامەنتىنىڭ وكىلدەرى قىتايلىق ارىپتەستەرىمەن تۋريزم سالاسىنداعى ىنتىماقتاستىقتى نىعايتۋ, 2017 جىلى قىتاي ءتۋريزمى جىلىن وتكىزۋ ماسەلەلەرى بويىنشا بىرقاتار كەزدەسۋ وتكىزدى. سونداي-اق, «قازاقستان رەسپۋبليكاسىنا قىتاي ازاماتتارىنىڭ توپتىق تۋريستىك ساپارلارىن جەڭىلدەتۋ جونىندەگى قر ينۆەستيتسيالار جانە دامۋ مينيسترلىگى مەن قىتايدىڭ تۋريزم ىستەرى جونىندەگى مەملەكەتتىك باسقارماسى اراسىنداعى مەموراندۋمدى» جۇزەگە اسىرۋ بارىسى تالقىلاندى.
بۇگىندە قىتاي تۋريستەرى الەمدىك ءتۋريزمنىڭ نەگىزگى قوزعاۋشى كۇشىنە اينالىپ وتىر. سوڭعى 10 جىلدا قىتاي تۋريستەرىنىڭ سانى ەكى ەسەگە وسكەن. 2005 جىلى 35 ملن. ال, 2015 جىلى 125 ملن. تۋريست ساياحاتتاعان. 2015 جىلى قىتاي تۋريستەرىنىڭ شەتەلدە جۇمساعان قارجىسى 200 ملرد. دوللاردان اسىپ كەتتى. سالىستىرمالى تۇردە ايتساق, 2015 جىلى قازاقستان بيۋدجەتىنىڭ كىرىسى شامامەن 20 ملرد. دوللار بولعان.