اۆستريادا كەشە وتكەن پرەزيدەنت سايلاۋىندا 72 جاستاعى پروفەسسور الەكساندر ۆان دەر بەللەن جەڭىسكە جەتتى, دەپ حابارلايدى ريا نوۆوستي.
سوڭعى مالىمەتتەر بويىنشا, كانديدات 51,7% داۋىس جيناپ, قارسىلاسىنان 3,4%-عا باسىم تۇسكەن. بىراق رەسمي تۇردە داۋىستاردى ساناۋ ءالى اياقتالعان جوق. سوعان قاراماستان حوفەر جانە وڭشىلدار پارتياسى ۆان دەر بەللەندى جەڭىسىمەن قۇتتىقتادى. 48,3 پايىز داۋىس جيناعان حوفەر 2022 جىلى وتەتىن كەلەسى سايلاۋدا جەڭىسكە جەتۋ مۇمكىندىگى مول ەكەنىن ايتتى.
سايلاۋ قورىتىندىسى بويىنشا رەسمي اقپارات بۇگىن بەرىلەدى. بىراق قازىردىڭ وزىندە جاڭا پرەزيدەنتكە اۆستريا كانتسلەرى كريستيان كەرن مەن ىشكى ىستەر ءمينيسترى سەباستيان كۋرتس, ليۋكسەمبۋرگ, چەحيا, ەۋرووداق پەن ەۋروپارلامەنت وكىلدەرى, فرانتسيا پرەزيدەنتى فرانسۋا وللاند قۇتتىقتاۋ جولدادى.