يگى ءىستىڭ يەسى

سونىڭ ءبىرى – بەلگىلى كاسىپكەر, وبلىس ءماسلي­حا­تىنىڭ دەپۋتاتى, «Amanat» پارتياسىنىڭ مۇشەسى, ءوزى ەڭ­سەسىن كوتەرگەن كوپەتنوستى اۋىل­دىڭ جالعىز مەكتەبىن مەملەكەتتىك تىلدە ءبىلىم بەرەتىن ءبىلىم ورداسىنا اينال­دىرىپ, قازاقتىڭ سالت-ءداس­تۇرىن دارىپتەپ جۇرگەن ەلشىل ازامات ۆالەري روزۋموۆيچ.

– بۇكىل عۇمىرىم وسى ەلدە, وسى جەردە ءوتىپ جاتىر. 12 جاستان ەڭ­­بەك­كە ارالاستىم. ەڭبەگىم جانىپ, كاسىبىمدى دوڭگەلەتىپ, تابىسىمنىڭ ءبىر بولىگىن ەل يگىلىگىنە جاراتىپ جاتىرمىن. ادامعا بۇدان ارتىق نە كەرەك؟ كوزىم جەتكەنى, تاريحتىڭ قيلى كەزەڭدەرىندە تاعدىر ايداپ كەلىپ, وسىندا ءبىرجولا تۇراقتاپ قالعان سان ەتنوستىڭ قاي-قايسىسىن بولسىن, جاتسىنباي باۋىرىنا باسقان كەڭپەيىلدى قازاق حالقىنا, قازاق توپىراعىنا قارىزدار ەكەنىمىزدى استە ەستەن شىعارماۋىمىز كەرەك. كارتانى اشىپ قاراساڭىز, الۋان ەتنوستىڭ باسىن قوسىپ, ايرانداي ۇيىپ وتىرعان بەيبىت ەلدى ەش جەردەن تابا المايسىز, بۇل تەك قازاقستاندا عانا بار. ءبىزدىڭ باستى بايلىعىمىز دا وسى ىنتىماق-بىرلىگىمىزدە جاتىر. سوندىقتان العىس كۇنىنىڭ ماڭىزى ەرەكشە. ماسەلەن, قازىرگى قولدانىستاعى كون­ستيتۋتسيادا ءوزىمىزدى ورتاق تا­ريحي تاعدىر بىرىكتىرگەن حالىق رەتىندە تانىپ كەلسەك, وسى تاتۋ تۇرمىس-تىرشىلىگىمىزدىڭ ارقاسىندا بۇگىنگە دەيىن ءبىرتۇتاس حالىق بولىپ قالىپتاستىق, ونى جاڭا كونستيتۋتسيا جوباسىندا بەكىتىپ وتىرمىز. بۇل قازىنامىزدى كوزدىڭ قاراشىعىنداي ساقتاۋىمىز كەرەك, – دەدى كاسىپكەر.

ۆالەري روزۋموۆيچ – قازاق حال­قى­نا دەگەن ريزاشىلىعىن سوزبەن ەمەس, ناقتى ىسىمەن كورسەتىپ, ونىڭ دۇ­رىس­تىعىن دالەلدەپ كەلە جاتقان ازامات. كاسىپكەر باس-اياعى بەس-التى جىلدىڭ ىشىندە حال­قى­نىڭ دەنى قالاعا كوشىپ, ۇيلەرى قاڭىراپ قالعان جۋكوۆ اۋىلىنا ەل قون­دىرىپ, قايتا تۇلەتتى. بۇگىن­دە بۇل اۋىلدىڭ بەرەكەلى تىر­شىلىگىنە ادام قىزىعادى. ىسكەر ازامات ەسكى ءۇي­دىڭ ءبارىن ءسۇرىپ تاستاپ, ورنىنا جاڭا ءۇي سالىپ قويعان. اۋىل تۇر­عىندارى كاسىپكەر باس­قا­راتىن شار­ۋاشىلىقتا, بور­دا­­قىلاۋ الاڭىن­دا, قۇس فەرماسىندا جۇ­مىس ىستەيدى. ەڭ باستىسى – حا­لىق­تىڭ تۇراقتى جۇمىسى, لا­يىقتى جالاقىسى بار. ۇيىنە گاز-سۋى كىرىپ تۇر. اۋىلدىڭ ءىشى-سىرتى – تاپ-تۇيناقتاي. مەد­پۋنكت, مەكتەپ, اۋىل كلۋبى, امبە­باپ دۇ­كەنى جۇمىس ىستەپ تۇر. وتكەن جىلى عانا جاڭا بالاباقشا ىسكە قوسىلدى.

ەڭ باستىسى, مۇنداعى جالعىز مەكتەپ مەملەكەتتىك تىلدە ءبىلىم بەرۋگە كوشكەن. وسى اۋىلدا تۇراتىن ون شاقتى ەتنوستىڭ بالاسى ءبىر پارتادا وتىر. قازىر اۋىل مەكتەبىنىڭ ءبىرىنشى, ەكىنشى, ءۇشىنشى, ءتورتىنشى, بەسىنشى سىنىپتارى تەك قازاق تىلىندە ءبىلىم الىپ جاتىر. ەندى 5-6 جىلدان كەيىن مەكتەپ تولىقتاي مەملەكەتتىك تىلدە ءبىلىم بەرەدى.

– ءتىل – ىنتىماققا, بىرلىككە جول اشاتىن باستى قۇرال. جۋكوۆ اۋىلىندا جاز بويى ەتنواۋىل جۇمىس ىستەيدى. قاپتاتىپ كيىز ءۇي تىگىپ تاستايمىز. بالالار سول جەردە قازاقتىڭ سالت-ءداستۇرىن ۇيرەنەدى. اماندىق بولسا, الداعى ۋاقىتتا اۋىل­دا جازعى دەمالىس ورنىن اشىپ, جاز بويى بالالارعا قازاق ءتىلىن ۇيرەتۋدى جوسپارلاپ وتىرمىز, – دەدى كاسىپكەر.

قوستاناي وبلىسى