ەلىمىزدە قاي جولدار جابىق تۇر؟

28 اقپان كۇنگى مالىمەت بويىنشا, بىرنەشە ۋچاسكەدە كولىك قوزعالىسىنا قويىلعان شەكتەۋلەر الىنىپ تاستالسا, كەيبىر وڭىردە جول جابىق.

سەنبى كۇنى تاڭەرتەڭ اۋا رايىنىڭ جاقسارۋىنا بايلانىستى ماڭىزدى باعىتتاردا كولىكتىڭ بارلىق ءتۇرى ءۇشىن جول اشىلدى:

شىعىس قازاقستان وبلىسى: قىتاي شەكاراسىنان مايقاپشاعايعا دەيىنگى جول (اباي وبلىسى شەكاراسى – زايسان قالاسى), وسكەمەن – ريددەر (بەلوۋسوۆكا – ريددەر), الماتى – وسكەمەن (شەمونايحا باعىتى) جانە وسكەمەن – سەمەي باعىتىنداعى ۋچاسكەلەر اشىق.

قىزىلوردا وبلىسى: «سامارا – شىمكەنت» تاس جولىنىڭ ارال قالاسىنان «وازيس» دەمالىس ورنىنا دەيىنگى جانە قىزىلوردا – بەسارىق اۋىلى ارالىعىنداعى ۋچاسكەلەرىندە تاس جول اشىلدى.

اباي وبلىسى: سەمەي – قالباتاۋ, اياگوز – قالباتاۋ, سەمەي – رف شەكاراسى («اۋىل» بەكەتى) جانە قاراعاندى – اياگوز (بارشاتاس – بوعاس) باعىتتارىندا شەكتەۋ جوق.

اۋا رايىنىڭ قولايسىزدىعى مەن تەحنيكالىق سەبەپتەرگە بايلانىستى بىرنەشە باعىتتاعى جولدار جابىق. 

«قىزىلوردا – جەزقازعان» تاس جولىنىڭ قىزىلوردا قالاسىنان جەزقازعانعا دەيىنگى بولىگى (12-424 كم) جابىق.

قورداي اسۋىنىڭ جاڭا اينالما جولىندا (كەنەن – قاينار اۋىلدارى اراسى) قوزعالىس توقتاتىلعان.

قاراعاندى – اياگوز جولىنىڭ قاراعاندى وبلىسى شەكاراسىنان بارشاتاس اۋىلىنا دەيىنگى بولىگى ءالى دە جابىق.

قالقامان ايرىعىنداعى كوپىردىڭ زاقىمدالۋىنا بايلانىستى استانا – پاۆلودار باعىتىنداعى قالقامان كەنتىنە كىرەبەرىس پەن شىعىس بولىگىندەگى جول جابىق.

شىعىس قازاقستان وبلىسىنداعى وسينوۆ اسۋىندا (46-66 كم) قىسقى كەزەڭدەگى قولايسىزدىقتارعا بايلانىستى تىركەمەسى جانە جارتىلاي تىركەمەسى بار جۇك كولىكتەرى ءۇشىن قوزعالىسقا تىيىم سالىنعان.

بۇگىن ەلىمىزدىڭ سەگىز قالاسىندا اۋا ساپاسى ناشارلايدى