«قازگيدرومەت» الداعى كۇندەرى قازاقستاننىڭ سولتۇستىك جارتىسىندا تۇنگى ۋاقىتتا اۋا تەمپەراتۋراسى نولدەن تومەن بولاتىنىن ەسكەرتتى. 13 مامىردا ۇسىك وڭتۇستىك-شىعىس وڭىرلەردە دە كۇتىلەدى, دەپ جازادى Egemen.kz.
سينوپتيكتەردىڭ مالىمەتىنشە, سكانديناۆيا اۋماعىنان كەلگەن انتيتسيكلون قازاقستاننىڭ بارلىق وڭىرىنە سالقىن اۋا اكەلگەن. سۋىق اۋا ماسسالارىمەن تولىعىپ وتىرعان انتيتسيكلون جاقىن كۇندەرى ەل اۋماعىنداعى اۋا رايىنا اسەرىن جالعاستىرادى.
ەلىمىزدىڭ باسىم بولىگىندە اۋا رايىنا بايلانىستى ەسكەرتۋ جاريالاندى
وسىعان بايلانىستى سولتۇستىك, شىعىس جانە ورتالىق ايماقتاردا تۇنگى ۋاقىتتا تەرىس تەمپەراتۋرا ساقتالادى. ال انتيتسيكلون ەل اۋماعى ارقىلى جىلجىعان سايىن, 13 مامىردا تۇنگى ۇسىك وڭتۇستىك-شىعىس وڭىرلەرگە دە جەتەدى.
بۇعان دەيىن سينوپتيكتەر مامىر ايىنىڭ ەكىنشى جانە ءۇشىنشى ونكۇندىگىندە ەلىمىزدىڭ باتىسىندا, وڭتۇستىگىندە, وڭتۇستىك-شىعىسىندا جانە ورتالىعىندا كۇندىزگى اۋا تەمپەراتۋراسى +33…+41 گرادۋسقا دەيىن كوتەرىلۋى مۇمكىن ەكەنىن حابارلاعان ەدى.
اپتاپ ىستىق, نوسەر, بۇرشاق: مامىر ايىندا اۋا رايى قۇبىلمالى بولادى