تۇركيانىڭ انتاليا پروۆينتسياسىنداعى سەرىك اۋدانىندا قازاقستان ازاماتى جول-كولىك وقيعاسىنان كوز جۇمدى. قايعىلى وقيعا تۋريستىك باعىتتاعى تاسجولدا تۇنگى ۋاقىتتا بولعان, دەپ جازادى Egemen.kz.
IHA مالىمەتىنشە, تاكسي جۇرگىزۋشىسى سول باعىتتا ۆەلوسيپەدپەن كەلە جاتقان 27 جاستاعى كۋبات امانبەكوۆتى قاعىپ كەتكەن. سوققىنىڭ قاتتى بولعانى سونشا, جاس جىگىت جولعا ۇشىپ تۇسكەن. ول العان اۋىر جاراقاتتارىنان وقيعا ورنىندا كوز جۇمدى.
جەرگىلىكتى پوليتسيا تاكسي جۇرگىزۋشىسىن بولىمشەگە جەتكىزىپ, تەرگەۋ جۇمىستارىن باستاعان. اتالعان دەرەك بويىنشا قىلمىستىق ءىس قوزعالدى.
بۋرياتيادا قار كوشكىنى ءجۇردى: قازا تاپقاندار اراسىندا قازاقستان ازاماتى بار
باق مالىمەتىنشە, كۋبات امانبەكوۆ تۇركياداعى بەس جۇلدىزدى قوناقۇيدىڭ بىرىندە داياشى بولىپ جۇمىس ىستەگەن.
وڭتۇستىك كورەيادا زاۋىت ورتەندى: زارداپ شەككەندەر اراسىندا قازاقستان ازاماتى بار