فرانتسيادا العاش رەت حانتاۆيرۋس جۇقتىرعان ادام انىقتالدى. MV Hondius كرۋيزدىك كەمەسىندە بولعان فرانتسيالىق ايەلدىڭ پتر-تەستى وڭ ناتيجە كورسەتكەن. بۇل تۋرالى ەلدىڭ دەنساۋلىق ساقتاۋ ءمينيسترى ستەفاني ريست مالىمدەدى, دەپ جازادى Egemen.kz.
ءمينيستردىڭ ايتۋىنشا, ايەل كرۋيزدەن كەيىن فرانتسياعا ورالعان. الايدا تۇندە ونىڭ جاعدايى كۇرت ناشارلاپ, جۇرگىزىلگەن تەكسەرۋ ناتيجەسىندە حانتاۆيرۋس انىقتالعان. قازىر ناۋقاس ينفەكتسيالىق اۋرۋلارعا ماماندانعان اۋرۋحانادا ەم الىپ جاتىر.
BFMTV مالىمەتىنشە, بۇل – فرانتسياداعى حانتاۆيرۋس جۇقتىرۋدىڭ العاشقى دەرەگى. ەل بيلىگى ناۋقاسپەن بايلانىستا بولعان 22 ادامدى انىقتاعان. ۇكىمەت وكىلدەرىنىڭ مالىمەتىنشە, ينفەكتسيانىڭ تارالۋىنا جول بەرمەۋ ءۇشىن قاتاڭ سانيتارلىق شارالار قابىلدانىپ جاتىر.
ۇكىمەتتىڭ رەسمي وكىلى مود برەجون حالىقتى دۇربەلەڭگە بەرىلمەۋگە شاقىردى. ونىڭ سوزىنشە, كەيىنگى جىلدارداعى ىندەتتەردەن كەيىن قوعامدا الاڭداۋشىلىقتىڭ بولۋى تۇسىنىكتى, الايدا جاعداي باقىلاۋعا الىنعان.
ددسۇ باسشىسى ۇندەۋ جاسادى: حانتاۆيرۋس قاۋپى قانشالىقتى جوعارى؟
بۇعان دەيىن MV Hondius كەمەسىنەن تۇسكەن بەس فرانتسيا ازاماتىن مىنگەن ۇشاق پاريج ماڭىنداعى لە بۋرجە اۋەجايىنا قونعان ەدى. ولاردىڭ تورتەۋىنىڭ پتر-تەستى تەرىس ناتيجە كورسەتكەن.
ايتا كەتەيىك, حانتاۆيرۋس وشاعى ارگەنتينادان كابو-ۆەردەگە باعىت العان نيدەرلاندتىڭ MV Hondius كرۋيزدىك لاينەرىندە تىركەلگەن. دۇنيەجۇزىلىك دەنساۋلىق ساقتاۋ ۇيىمى جەتى ادامنىڭ ۆيرۋس جۇقتىرعانىن راستادى, ولاردىڭ ۇشەۋى قايتىس بولعان.
سوڭعى كۇندەرى يسپانيادا, اتلانت مۇحيتىنىڭ وڭتۇستىگىندەگى تريستان-دا-كۋنيا ارالىندا جانە اقش-تا حانتاۆيرۋس جاعدايلارى تىركەلدى. ال پولشادا ءبىر ادام ۆيرۋس جۇقتىردى دەگەن كۇدىكپەن سانيتارلىق باقىلاۋعا الىنعان.
جاڭا پاندەميا قاۋپى بار ما؟ ەۋروپادا حانتاۆيرۋس جۇقتىرۋ دەرەكتەرى كوبەيدى