قازاقستان وڭىرلەرىندە اۋا رايىنىڭ قولايسىزدىعىنا بايلانىستى جابىلعان جولدار تۋرالى جاڭا اقپاراتتار ءتۇستى, دەپ حابارلايدى قازاقپارات.
ماسەلەن, استانا قالاسى بويىنشا - ساعات 14:44-تە اۋا رايىنىڭ بۇزىلۋىنا بايلانىستى (كوكتايعاق), استانا-اتباسار, استانا-قاراعاندى باعىتتارىندا قوعامدىق جانە جۇك كولىكتەرىنىڭ قوزعالىسى توقتاتىلدى. 16.40-تان باستاپ استانا-كوكشەتاۋ, استانا-پاۆلودار باعىتتارى كولىكتىڭ بارلىق تۇرلەرى ءۇشىن جابىلدى. اقمولا وبلىسى - 4 جەلتوقسان ساعات 15:15-تەن باستاپ اۋا رايىنىڭ بۇزىلۋىنا بايلانىستى (قاتتى جەل, جاياۋ بۇرقاسىن, كورۋ مۇمكىندىگىنىڭ شەكتەلۋى) استانا-پەتروپاۆل جولىنىڭ 18-231 شاقىرىمى ارالىعىندا (استانا قالاسىنان ششۋچينسك قالاسىنا دەيىن) بارلىق كولىك تۇرلەرىنىڭ قوزعالىسى توقتاتىلدى. 4 جەلتوقسان ساعات 17:00-دەن باستاپ اۋا رايىنىڭ بۇزىلۋىنا (كۇشتى جەل, بۇرقاسىن, كورۋ مۇمكىندىگىنىڭ شەكتەلۋى) بايلانىستى «استانا-ەرەيمەنتاۋ-شىدەرتى» اۆتوجولى (22-205 شاقىرىم ارالىعى) بارلىق كولىك تۇرلەرى ءۇشىن جابىلدى. 4 جەلتوقسان ساعات 18:00-دەن اۋا رايىنىڭ ناشارلاۋىنا (كۇشتى جەل, بۇرقاسىن, كورۋ مۇمكىندىگىنىڭ شەكتەلۋى) وراي, «ەكاتەرينبور-الماتى» كۇرە جولىنىڭ 917856 شاقىرىم (جاقسى كەنتى - سولتۇستىك قازاقستان وبلىسىمەن شەكارا) ارالىعى بارلىق كولىك تۇرلەرى ءۇشىن جابىلدى. 4 جەلتوقسان ساعات 22:45-تەن باستاپ اۋا رايىنىڭ بۇزىلۋىنان (كۇشتى جەل, بۇرقاسىن, كورۋ مۇمكىندىگىنىڭ شەكتەلۋى) «ەكاتەرينبور-الماتى» كۇرە جولى (917-1006 شاقىرىم ارالىعى, جاقسى كەنتى-اتباسار), «جاقسى-ەسىل-بۇزۋلىق» (0-82 شاقىرىم), «قوستاناي-اۋليەكول-سۇرعان» (232-260 شاقىرىم), «جەزقازعان-پەتروپاۆل» (377-595 شاقىرىم), «استانا-قورعالجىن» (16-169 شاقىرىم), «استانا-قابانباي باتىر-كيەۆكا-تەمىرتاۋ» (16-51 شاقىرىم), «ەكاتەرينبور-الماتى» (1280-1353 شاقىرىم) تاس جولدارىندا بارلىق كولىك تۇرلەرىنە قوزعالىس توقتاتىلدى. شىعىس قازاقستان وبلىسى 4 جەلتوقسان ساعات 14:00-دەن باستاپ اۋا رايىنىڭ قولايسىزدىعىنا بايلانىستى (جاڭبىر, كوكتايعاق) كولىكتىڭ بارلىق تۇرلەرى ءۇشىن رەسپۋبليكالىق ماڭىزى بار «الماتى-وسكەمەن» (778-1079 شاقىرىم) تاس جولى جابىلدى. 4 جەلتوقسان 14:00-دەن باستاپ جاڭبىر مەن كوكتايعاققا بايلانىستى مارشرۋتتىق رەيستىك اۆتوبۋستار مەن تىركەمەسى جانە جارتىلاي تىركەمەسى بار جۇك كولىكتەرى ءۇشىن رەسپۋبليكالىق ماڭىزى بار «وسكەمەن-سەمەي» (8-198 شاقىرىم) جولى جابىلدى. 4 جەلتوقسان 15:45-تەن باستاپ بۇرقاسىن مەن كورۋ مۇمكىندىگىنىڭ شەكتەلۋىنە بايلانىستى بارلىق اۆتوترانسپورت ءۇشىن نوۆوترويتسسك اۋىلىنا كىرەبەرىستەگى وبلىستىق ماڭىزداعى جولدىڭ 0-22 شاقىرىم ارالىعى جابىق. 4 جەلتوقسان ساعات 18:00-دەن باستاپ, 5 جەلتوقسان تاڭەرتەڭگى 08:00-گە دەيىن بۇرقاسىن مەن كورۋ مۇمكىندىگىنىڭ شەكتەلۋىنە بايلانىستى رەسپۋبليكالىق ماڭىزداعى «وسكەمەن-زىريان-كاتون-قاراعاي-راحمان قاينارلارى» اۆتوجولىنىڭ 4-65 شاقىرىم ارالىعىندا بارلىق اۆتوكولىك ءۇشىن قوزعالىس شەكتەلدى. قاراعاندى وبلىسى - 4 جەلتوقسان 15:35-تەن باستاپ كوكتايعاق, بۇرقاسىن, كورۋ مۇمكىندىگىنىڭ شەكتەلۋىنە بايلانىستى «الماتى-ەكاتەرينبور» (1051-1142 شاقىرىم ارالىعى تەمىرتاۋ قالاسى-اقمولا وبلىسىمەن شەكارا) كۇرە جولى قوعامدىق جانە جۇك كولىكتەرىنە جابىلدى. 4 جەلتوقسان ساعات 21:30-دان باستاپ كوكتايعاق, بۇرقاسىن, كورۋ مۇمكىندىگىنىڭ شەكتەلۋىنە وراي اۆتوكولىكتىڭ بارلىق تۇرىنە «جەزقازعان-پەتروپاۆل» جولىنىڭ (22-252 شاقىرىم ارالىعى, ساتباەۆ قالاسى-قوستاناي وبلىسىمەن شەكارا) ۋچاسكەسىنە شىعۋعا تىيىم سالىندى. پاۆلودار وبلىسى - 4 جەلتوقسان 17:00-دەن باستاپ كوكتايعاق, بۇرقاسىن, كورۋ مۇمكىندىگىنىڭ شەكتەلۋىنە بايلانىستى «استانا-ەرەيمەنتاۋ-شىدەرتى» (205-259 شاقىرىم) تاس جولىنىڭ شىدەرتى كەنتىنەن اقمولا وبلىسىنىڭ شەكاراسىنا دەيىنگى ۋچاسكەسى كولىكتىڭ بارلىق ءتۇرى ءۇشىن جابىق.