اۋا رايىنىڭ قولايسىزدىعىنا بايلانىستى ءبىرىنشى اۋىسىمداعى 1-4 سىنىپ وقۋشىلارى ءۇشىن ساباقتار بولمايدى, دەپ حابارلاندى استانا قالاسى اكىمدىگىنىڭ رەسمي سايتى.
استانانىڭ ءبىلىم باسقارماسىنىڭ حابارلاۋىنشا, قاۋىپسىزدىك شارالارى مەن بالالاردىڭ دەنساۋلىعىن ساقتاۋ ماقساتىندا ساباق مىنانداي جاعدايلاردا بولمايدى: -مينۋس 25 گرادۋس جانە ودان تومەن, جەل سەكۋندىنا 2 مەتر جانە ودان جوعارى بولسا - 1-4 سىنىپ وقۋشىلارىنا; - مينۋس 30 گرادۋس جانە ودان تومەن, جەل سەكۋندىنا 2 مەتر جانە ودان جوعارى بولسا - 1-9 سىنىپ وقۋشىلارىنا; - مينۋس 35 گرادۋس جانە ودان تومەن, جەل سەكۋندىنا 2 مەتر جانە ودان جوعارى بولسا - مەكتەپتىڭ 1-11 (12) سىنىپ وقۋشىلارىنا, كوللەدجدەردىڭ 1-2 كۋرس ستۋدەنتتەرىنە ساباق بولمايدى. سونىمەن قاتار, جەلدىڭ جىلدامدىعى سەكۋندىنا 15-20 مەتردەن اساتىن بولسا, تەمپەراتۋرا شەگى ارتادى.
ساباقتىڭ بولمايتىنى تۋرالى اقپاراتتى تاڭەرتەڭ ساعات 6.45 - 7.00 ارالىعىندا, ەكىنشى اۋىسىم تۇسكى ساعات 12.15 - 12.30 ارالىعىندا مىنا اقپارات كوزدەرىنەن بىلۋگە بولادى: - «الما تۆ», «31 كانال» جانە «ستۆ» تەلەارنالارىندا جۇگىرتپە جولدان; - «الما تۆ» اقپاراتتىق كابەلدى ارناسىندا حابارلاندىرۋدان; - كابەلدى تەلەارنالار قوسىلماعان بولسا, «حابار», «قازاقستان 1», «ورت قازاقستان», «استانا تۆ», «كتك», «نتك» تەلەارناسىندا داۋىستىق حابارلامادان, «راديو-استانا», «رەترو-FM», «قازاقستان-رۆ», «اۆتو-راديو», «شالقار» راديولارىنان; - 169 (اقىلى), 109 (تەگىن) نومەرلەرىنە ۇيالى تەلەفوننان حابارلاسۋ ارقىلى; - www. astana.gov استانا قالاسى اكىمدىگىنىڭ سايتىنان.