بۇگىن الماتىداعى بالۋان شولاق اتىنداعى سپورت سارايىندا ءوتىپ جاتقان سپورتتىق جەكپە-جەك جانە كۇش قولداناتىن سپورت تۇرلەرى كونفەدەراتسياسى كۋبوگىندا تاەكۆوندودان فينالدىق كەزدەسۋلەر ءوز مارەسىنە جەتتى. اقتىق كەزەڭگە شىققان جامبىل وبلىسىنىڭ كومانداسى وڭتۇستىك قازاقستان وبلىسىنىڭ تاەكۆوندوشىلارىنان 53:40 ەسەبىمەن جەڭىسكە جەتتى. سايكەسىنشە, وقو كومانداسى ەكىنشى ورىن السا, الماتى قالاسى مەن باتىس قازاقستان وبلىسىنىڭ سپورتشىلارى ءۇشىنشى ورىندى قاناعات تۇتتى.