استاناداعى «الاۋ» مۇز ايدىنىندا كونكيمەن جۇگىرۋ سپورتىنان الەم كۋبوگىنىڭ 3-ءشى كەزەڭى ءوتىپ جاتىر, دەپ حابارلايدى "24 حابار" ارناسى.
جەلتوقساننىڭ 4-ىنە دەيىن جالعاساتىن جاھاندىق دوداعا 26 مەملەكەتتەن كەلگەن 357 سپورتشى ءوزارا مىقتىنى انىقتايدى. مۇندا توپ جارعان ۇزدىكتەر كەلەسى جىلى وتەتىن ەۋروپا جانە الەم چەمپيوناتىنا قاتىسۋعا مۇمكىندىك الادى.
ءباسى جوعارى باسەكەدە ءوزىمىزدىڭ وتاندىق سپورتشىلار دا باق سىناسادى. اتاپ ايتساق, جاستار اراسىنداعى الەم كۋبوگىنىڭ جەڭىمپازى ەكاتەرينا ايدوۆا 500 جانە مىڭ مەتر قاشىقتىقتا ونەر كورسەتەدى. ودان بولەك, ەلورداداعى تۋرنيرگە وليپيادا جانە الەم كۋبوگىنىڭ جەڭىمپازدارى دا قاتىسىپ جاتىر.