قازاقستان رەسپۋبليكاسىنىڭ مەملەكەتتiك حاتشىسى گۇلشارا ابدىقالىقوۆانىڭ توراعالىعىمەن قازاقستان رەسپۋبليكاسىنىڭ پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا وتىرىسى ءوتتى, دەپ حابارلادى اقوردانىڭ ءباسپاسوز قىزمەتى.
مەملەكەتتىك حاتشى تاۋەلسىزدىكتىڭ شيرەك عاسىرلىق مەرەيتويى «بىرلىك پەن جاسامپازدىقتىڭ 25 جىلى» ۇرانىمەن مەرەكەلەنىپ جاتقانىن اتاپ ءوتتى.
– جىل بويى ءبىز قازاقستاننىڭ قالىپتاسۋ كەزىندەگى قيىندىقتار تۋرالى ايتىپ, ەلىمىزدىڭ ءتۇرلى سالاداعى جەتىستىكتەرىن كورسەتىپ, وسى جىلدارى قانداي جولمەن بىرگە ءجۇرىپ وتكەنىمىزدى ساراپقا سالدىق, – دەدى گ.ابدىقالىقوۆا.
وتىرىستا قازاقستان رەسپۋبليكاسىندا وتباسىلىق قاتىناستاردى, مورالدىق-ەتيكالىق جانە رۋحاني-ادامگەرشىلىك قۇندىلىقتاردى نىعايتۋدىڭ 2015-2020 جىلدارعا ارنالعان جالپىۇلتتىق ءىس-شارالار جوسپارىنىڭ ىسكە اسىرىلۋ بارىسى تۋرالى ماسەلەلەر قارالدى. جوسپار اياسىندا بالالاردىڭ, سونىڭ ىشىندە الەۋمەتتىك از قامتىلعان وتباسىلار بالالارىنىڭ جاعدايىن جاقسارتۋعا, سونداي-اق وتباسى جانە نەكە, وتباسىلىق قۇندىلىقتاردى نىعايتۋ تۇرعىسىندا حالىقتىڭ بىلىكتىلىگىن ارتتىرۋعا باعىتتالعان شارالار قاراستىرىلدى.
مەملەكەت باسشىسىنىڭ تاپسىرماسىمەن بالالار قۇقىقتارى جونىندەگى ۋاكىل ينستيتۋتى قۇرىلدى. مەملەكەتتىك ءبىلىم بەرۋدەگى جيناقتاۋ جۇيەسى اياسىندا بالالار ءۇيىنىڭ 7 779 تاربيەلەنۋشىسى ءۇشىن 5 ملرد-تان استام تەڭگە كولەمىندە جيناقتاۋ شوتتارى اشىلدى. مەملەكەت وتباسىعا ورنالاستىرۋدىڭ بارلىق ءتۇرىن (قامقورلىققا الۋ, پاترونات, وتباسىنا قابىلداۋ) ماتەريالدىق تۇرعىدان قولدايدى. قازاقستان ازاماتتارى ءۇشىن بالا اسىراپ الۋ راسىمدەرى جەڭىلدەتىلىپ, بالا اسىراپ الۋدىڭ حالىقارالىق تالاپتارى كۇشەيتىلدى.
مەكتەپكە دەيىنگى 5 213 بالاسى بار 39 ارناۋلى مەكەمە جانە 5 461 بالا تاربيەلەنەتىن 159 ارناۋلى توبى بار جالپى مەكتەپكە دەيىنگى مەكەمە جۇمىس ىستەيدى. بۇگىندە رەسپۋبليكادا ينكليۋزيۆتىك ءبىلىم بەرۋ ءادىسىن ەنگىزگەن بالاباقشالار سانى ارتۋدا. مەكتەپكە دەيىنگى جاستاعى 14 517 بالا ينكليۋزيۆتىك ءبىلىم بەرۋ جۇيەسىمەن قامتىلعان. قوسىمشا ءبىلىم بەرۋ مەكەمەلەرىندە مۇمكىندىگى شەكتەۋلى 2 مىڭنان استام بالا ءۇشىن شىعارماشىلىق ساۋىقتىرۋ شارالارى ۇيىمداستىرىلعان.
سونداي-اق, وتىرىس بارىسىندا ايەلدەردىڭ ءدىني ساۋاتتىلىعىن ارتتىرۋ ىسىندەگى اقپاراتتىق-ءتۇسىندىرۋ جۇمىسىنا قاتىستى ماسەلەلەر قاراستىرىلدى. اقپاراتتىق-ءتۇسىندىرۋ جۇمىستارى اياسىندا 2013-2016 جىلدارى 51%-دان استامىن ايەلدەر قۇرايتىن, جالپى سانى 5,5 ملن-عا جۋىق ادامدى قامتىعان 59 مىڭنان استام ءىس-شارا وتكىزىلدى. ۇلتتىق كوميسسيا مەن وڭىرلەر اكىمدىكتەرى بىرلەسىپ جۇرگىزەتىن «ءدىن جانە ايەل» جوباسى ىسكە اسىرىلۋدا.
بۇدان بولەك, ۇلتتىق كوميسسيا مۇشەلەرىنە جاستار اراسىنداعى رۋحاني-ادامگەرشىلىك قۇندىلىقتاردى ناسيحاتتاپ, ۇلتتىق مادەنيەت پەن وتباسىلىق داستۇرلەردى ىلگەرىلەتۋ ءۇشىن قۇرىلعان «Otbasym.kz» ۇلتتىق مۋلتيمەديالىق پورتالى تانىستىرىلدى.
مەملەكەتتiك حاتشى وتىرىس سوڭىندا مەملەكەتتىك ورگاندارعا بىرقاتار ناقتى تاپسىرما بەردى.