پورتۋگاليا قۇراماسى جانە مادريدتىك «رەال» شابۋىلشىسى كريشتيانۋ رونالدۋ نەمىس جۋرنالى "شپيگەل" جۋرناليستەرى اشقان سالىق ءىسىنىڭ داۋ-دامايىنا قالدى. باسىلىمنىڭ جازۋىنشا, فۋتبولشى بىرنەشە جىل بويى جارنامادان تۇسكەن تابىستارىن يسپاندىق سالىق قىزمەتىنەن جاسىرۋىنا كومەكتەسكەن بريتاندىق بيرگين ارالدارىنداعى وفشورلىق فيرمالاردىق قىزمەتىن پايدالانىپ كەلگەن.
اڭگىمە ونداعان ميلليون ەۋرو جايىندا بولىپ وتىر. تاسس-تىڭ حابارلاۋىنشا, بۇل مالىمەتتەردى FootballLeaks پورتالى جاريالاعان. رونالدۋدىڭ 60 ميلليون ەۋرودان اسا قارجىنى جاسىرۋىنا مۇمكىندىك تۋعىزعان سحەمانى ونىڭ اگەنتى جورج مەندەش ويلاستىرعان. FootballLeaks بىرنەشە اپتانىڭ ىشىندە, ونىڭ ىشىندە تانىمال جاتتىقتىرۋشى جوزە موۋرينيۋ مەن نەمىستىڭ جارتىلاي قورعاۋشىسى مەسۋتا وزيلا دا بار جاڭا مالىمەتتەردى جاريالاۋعا ۋادە بەرىپ وتىر. ال جورج مەندەشتىڭ كومپانياسى ءوز تاراپىنان مالىمدەمە تاراتتى. وندا رونالدۋ مەن ءموۋرينيۋدىڭ يسپانيا جانە ۇلىبريتانيا سالىق ورگاندارىنىڭ الدىندا تازا ەكەندىگى ايتىلعان.