وزبەكستانداعى پرەزيدەنتتىك سايلاۋدا 115 مىڭعا جۋىق ادام مەرزىمىنەن بۇرىن داۋىس بەردى, دەپ حابارلايدى « ينتەرفاكس».
مەرزىمىنەن بۇرىن داۋىس بەرۋ سايلاۋدان ون كۇن بۇرىن - 24 قاراشادا باستالىپ, 2 جەلتوقساندا اياقتالدى. ورتالىق سايلاۋ كوميسسياسىنىڭ دەرەكتەرىنە قاراعاندا, سايلاۋدا 21,5 ميلليونعا جۋىق سايلاۋشى داۋىس بەرۋى ءتيىس.
ەسكە سالا كەتسەك, وزبەكستان پرەزيدەنتىن سايلاۋ 4 جەلتوقساندا وتەدى. ءوز كانديداتتارىن ءتورت ساياسي پارتيا تىركەدى. كاسىپكەرلەر مەن ىسكەر ادامدار قوزعالىسى - وزبەكستاننىڭ ليبەرالدىق-دەموكراتيالىق پارتياسى پرەزيدەنتتىكە مەملەكەت باسشىسى مىندەتىن اتقارۋشى شاۆكات ميرزيەەۆتى, "ميللي تيكلانيش" دەموكراتيالىق پارتياسى - پارلامەنتتىڭ تومەنگى پالاتاسى سپيكەرىنىڭ ورىنباسارى سارۆار وتامۋرادوۆتى, وزبەكستان حالىقتىق-دەموكراتيالىق پارتياسى جانە "ادولات" سوتسيال-دەموكراتيالىق پارتياسى ءوز كوشباسشىلارى - حوتامجون كەتمونوۆ پەن ناريمون ۋماروۆتى تىركەدى.