ماڭعىستاۋ وبلىسى رەسپۋبليكامىزدا بالا تۋ كورسەتكىشى بويىنشا كوش باسىندا كەلەدى. 1991 جىلى وڭىردە 340 مىڭ تۇرعىن بولسا, قازىرگى تاڭدا كوشىپ كەلۋشىلەر مەن تابيعي ءوسىم ەسەبىنەن بۇل كورسەتكىش 640 مىڭ ادامعا جەتكەن. تاۋەلسىزدىك العان سوڭ ەلىمىز بويىنشا العاش اشىلعان مۇنايلى اۋدانىن وسىدان 9 جىل بۇرىن نەبارى 43 مىڭ ادام مەكەن ەتسە, قازىر ول – 140 مىڭ تۇرعىنى بار ىرگەلى ايماق.
تاۋەلسىزدىكتىڭ 25 جىلدىعى مەرەكەسى قارساڭىندا ماڭعىستاۋ وبلىسى اكىمىنىڭ ورىنباسارى ب.نۇرعازيەۆا كوپ بالالى انالاردىڭ بىرقاتارىنا «التىن القا» جانە «كۇمىس القانى» تابىس ەتتى.
– ءوڭىرىمىزدىڭ بالا تۋ كورسەتكىشى بويىنشا رەسپۋبليكادا الدىڭعى ورىندا بولۋى – انالاردىڭ ارقاسى. قازىرگى تاڭدا وبلىستا 6472 «التىن القا», 7411 «كۇمىس القا» يەگەرى تۇرادى. ەل بىرلىگىن, وتانىمىزدىڭ گۇلدەنۋىن وتباسىنداعى ءوزارا سىيلاستىق, باۋىرمالدىق سۇيىسپەنشىلىكتەر دامىتا تۇسەدى. سوندىقتان, انالاردىڭ بالانى ومىرگە اكەلۋمەن بىرگە, ولاردى تاربيەلەۋدەگى ءرولى زور», – دەدى ب.نۇرعازيەۆا.
بيىل ولكەمىزدە «التىن القاعا» قول جەتكىزگەن انالار سانى 104 بولسا, 300 انا – «كۇمىس القانىڭ» يەسى. تاۋەلسىزدىك مەرەكەسى قارساڭىندا 4 انا «التىن القاعا», 7 انا «كۇمىس القاعا» يە بولدى. التىن قۇرساقتىلار اراسىنداعى ەڭ جاسى – 35 جاستا. ماراپاتتالعاندار اراسىندا «قازاقستان تەمىر جولى» ۇك» ماڭعىستاۋ وبلىستىق فيليالىنىڭ قىزمەتكەرى, «وزەنمۇنايگاز» اق وپەراتورى, مەيىربيكە بار.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
سۋرەتتى تۇسىرگەن
سەرىك مايەمەروۆ