سەرگەكتىكتى سەرىك ەتكەن سەكەرباەۆتار

مارافونشى سەرىك سەكەرباەۆتىڭ وتباسى ەرتىس – قاراقۇدىق – ەرتىس باعىتىنداعى بىرنەشە شاقىرىمدىق جولدى جاياۋ ءجۇرىپ ءوتتى. اعايىندى ەرمەك, الماس, ايبول سەكەرباەۆتار ەرتىس اۋدانىندا تۋىپ-ءوستى. اكەلەرى سەرىك يساق ۇلى – جەڭىل اتلەتيكادان سپورت شەبەرلىگىنە كاندي­دات. سەكەڭ وقۋشى كەزىنەن-اق جۇگىرە باستاپتى. ءتىپتى, ۇيلەنىپ وتباسىلى بولعاندا دا جاقسى ادەتىن جالعاستىرا بەرگەن. اۋلادان, اۋدان ورتالىعى­نىڭ كوشەلەرىنەن باستالعان مارافون ونى كيەۆ, حاركوۆ, التاي ولكەسى, نوۆو­سىبىر, ومبى, ارحانگەلسك سياق­تى الىس ساپارلارعا الىپ بارعان. ۇل­دارى ەرمەك, ايبەكپەن بىرگە ەرتىس – پانفي­لوۆ – ۇزىنسۋ – اعاشورىن – مايقوڭىر – باي­زا­قوۆ – قىزىلجار جولى­مەن ءجۇرىپ ءوتتى. جەل­اياق جىگىتتەردىڭ اكەلەرى 35 جىلدان بەرى سپورتپەن دوستاسىپ كەلەدى. ۇلى ەرمەكتىڭ ءوزى 30-عا كەلدى. كىشىسى ايبەك ەكى جارىم جاسىندا استانادا وتكەن «التىن كۇز» مارافونىندا ەكى شاقىرىم جەرگە جۇگىرىپ, جۇرتتى ءبىر تاڭعالدىرعان ەدى. ال ەرمەك 5 جاسىندا كيەۆتە ءوت­كەن جارىستا جەڭىس تۇعىرىنان كورىنە­دى. سودان بەرى تالاي شاقىرىمدار­دى ارتتا قالدىردى. ون توعىز جاسىندا 42 شا­قىرىم قاشىقتىقتى باعىندىرادى. وسىلاي باستالعان جەتىستىكتەر ءالى جال­عاسۋدا. وبلىستا ۇيىمداستىرىلعان «مەرەي­لى وتباسى» بايقاۋىندا سەكەر­باەۆ­تار «اكە جولىن جالعاعان» نوميناتسياسىندا بايگەلى بولدى. ال ۇلى ەرمەك «قازاقستان ءاليۋمينيى» اق-تىڭ گيدرومەتاللۋرگيا تسەحىندا اپپاراتشى. ودان كەيىنگى الماس №2 گيدرومەتاللۋرگيا تسەحىندا جۇمىس ىستەيدى, ال ايبول بولسا ەنەرگەتيكا­لىق جوندەۋ تسەحىندا دانەكەرلەۋ­شى. مارافونشىلار وتباسى شاقىرتۋ كەلسە-اق, بارلىق جارىستارعا قاتىسادى. وبلىستىق, حالىقارالىق سايىستار­دىڭ جۇلدەگەرى اتانىپ, بىرنەشە دۇركىن چەمپيونى دا بولدى. ماسەلەن, «مەدەۋ» مارافونىندا, «25-ءسىبىر مارافونىندا» 8-ورىندى يەلەنىپتى. شاڭىراقتىڭ كەنجەسى ايبەك تە جەلاياقتار قاتارىنا قوسىلماقشى. – جىل سايىن ومبىدا ۇيىمداس­تىرىلاتىن ءسىبىر مارافونىنا قاتى­سامىز. جانكۇيەرلەر جاقسى قولداۋ كورسەتەدى. بيىل دا دايىندالىپ جاتىر­مىز, – دەيدى سەرىك اعا. ءبىر سۇيسىنەرلىگى, سەكەرباەۆتار ءجيى-ءجيى «وتباسىلىق مارافون» وتكى­زىپ تۇرادى. ەرتىس اۋدانى اكىمىنىڭ ورىن­باسارى ەرجان راقىمجانوۆتىڭ ايتۋىنشا, جەرلەستەرى سەكەرباەۆتار شاڭىراعىن پاتريوت وتباسى سانايدى. جەڭىستىڭ 70 جىلدىعىنا وراي پاۆلودار­دان ەرتىس اۋىلىنا دەيىنگى 200 شاقى­رىمدى ەكى كۇندە ءجۇرىپ ءوتىپتى. ال سەرىك اعانىڭ ءوزى ەگەر مۇمكىندىك بولىپ, قولداۋ كورسەتىلىپ جاتسا, اۋدان ورتالىعىندا سالاماتتى ءومىر سالتىنا لايىق دەنە شىنىقتىرىپ, جۇگىرۋدەن جالىقپايتىن, شىنىقسا شىمىر, ومىرگە قۇشتار, باتىل جاستاردى تاربيەلەگىسى كەلەدى. اكىمدىكتەگىلەر بۇل ءوتىنىشتى قۇپ الادى دەپ سەنەيىك. فاريدا بىقاي, «ەگەمەن قازاقستان» پاۆلودار وبلىسى