يماشەۆ – حالىقارالىق بەسسايىس وداعىنىڭ ۆيتسە-پرەزيدەنتى

گەرمانيانىڭ فرانكفۋرت قالاسىندا حالىقارالىق قازىرگى زامانعى بەسسايىس وداعىنىڭ (UIPM) 68-ءشى ەسەپتىك-سايلاۋ كونگرەسى بولدى. كونگرەسكە الەمنىڭ 78 ەلى ۇلتتىق فەدەراتسيالارىنىڭ ءبىرىنشى باسشىلارى مەن حاتشىلارى قاتىستى. بۇل ۇيىمنىڭ رەكوردتىق كورسەتكىشى بولىپ تابىلادى. كونگرەستە ۇيىمدىق ماسەلە قارالىپ, ونىڭ قورىتىندىسى بو­يىن­شا وداقتىڭ پرەزيدەنتى بولىپ دوكتور كلاۋس شورمانن قايتا ساي­لاندى. ال قازاقستان ۇلتتىق وليمپيالىق كوميتەتى اتقارۋ كومي­تەتىنىڭ مۇشەسى, رەسپۋبليكانىڭ قازىرگى زامانعى بەسسايىس فەدەراتسياسى پرەزيدەنتى بەرىك يماشەۆ حالىقارالىق وداقتىڭ ۆيتسە-پرەزي­دەنتى بولىپ سايلاندى. كونگرەستە UIPM-ءنىڭ 5 ۆيتسە-پرەزيدەنتىنىڭ ورىنتاعىنا 9 كانديداتۋرا ۇسىنىلدى. جاسىرىن داۋىس بەرۋ جولىمەن جۇرگىزىلگەن سايلاۋدىڭ ءۇشىنشى 3 راۋندىنان كەيىن جاڭا ۆيتسە-پرەزيدەنتتەر ەسىمدەرى بەلگىلى بول­دى. بۇل ساپتان حۋان انتونيو سامارانچ (يسپانيا), جوەل بوۋزوۋ (فرانتسيا), ۆياچەسلاۆ امي­نوۆ (رەسەي), حۋان مانزو ورانەگيۋ (مەكسيكا) جانە بەرىك يما­شەۆ (قازاقستان) تابىلدى. كونگرەستە قازىرگى زامانعى بەس­سايىستىڭ جانە وليمپيالىق قوز­عا­لىستىڭ دامۋىنا قوسقان زور ۇلەسى ءۇشىن قازاقستان ۇلتتىق وليم­­پيالىق كوميتەتىنىڭ ءبىرىنشى پرە­زيدەنتى, UIPM جانە امرس ات­قا­رۋشى كوميتەتىنىڭ بۇرىنعى مۇشە­سى, مارقۇم تيمۋر دوسىمبەتوۆ «UIPM-ءنىڭ قۇرمەتتى مۇشەسى» مەدا­لىمەن ماراپاتتالدى. ونىڭ ەسىمى لوزانناداعى وليمپيادا مۋزەيىنىڭ UIPM قۇرمەت زالىنا ەنگىزىلدى. كونگرەستە 2018, 2019 جىلداردا الەم چەمپيوناتتارىن قابىلدايتىن قالالار انىقتالدى. 2018 جىلعى الەم كۋبوگىنىڭ فينالى الماتىدا وتەتىن بولادى. سەرىك ءپىرنازار, «ەگەمەن قازاقستان»