تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ باسشىسى ەلدار كيلديباەۆ قىزمەتىنەن بوساتىلدى, - دەپ حابارلايدى الماتى اكىمدىگىنىڭ ءباسپاسوز قىزمەتى.
بۇگىن الماتى قالاسىنىڭ اكىمى باۋىرجان بايبەك قار تازالاۋ جۇمىستارى ماسەلەسىنە قاتىستى جيىن وتكىزدى. وندا اۋدان اكىمدەرى, باسقارما باسشىلارى مەن قالالىق كوممۋنالدىق قىزمەتتەگىلەر قاتىسقان.
تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ جۇمىسى ناشار دەپ باعالانعان. ناتيجەسىندە تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ باسشىسى ەلدار كيلديباەۆ قىزمەتىنەن بوساتىلدى.
ء"بىز بىلاي دەپ ايتامىز: الماتى - ادام تۇراتىن قالا, الايدا جولدار, قيىلىستار ءالى كۇنگە دەيىن تازالانباعان. تۇرعىندارعا جايلى جاعداي جاساۋ كەرەك. قوعامدىق كولىك قاتىنايتىن جولداردى تازالاۋ كەرەك", - دەدى باۋىرجان بايبەك.
"جيىن قورىتىندىسى بويىنشا الماتى اكىمى اۋدان اكىمدىكتەگىلەرىنە, سونداي-اق, قالاداعى بارلىق قىزمەت وكىلدەرىنە قار جاۋعان كەزدە وسىنداي جاعداي قايتالانباس ءۇشىن قاجەتتى شارالاردى ويلاستىرىپ قويۋىن تاپسىردى", - دەدى ءباسپاسوز قىزمەتىندەگىلەر.