بۇگىن م.كاتاەۆ اتىنداعى وقۋشىلار سارايىندا «تەڭگەنىڭ قۇرىلۋ تاريحى» اتتى ەسكى اقشالار توپتاماسىنىڭ كورمەسىندە XVIII عاسىردا ءى پەتر پاتشانىڭ تۇسىندا قولدانىلعان ورىس اقشاسى كورسەتىلدى, دەپ حابارلادى pavlodarnews.kz.
شاراعا پاۆلودار قالاسى № 5 ورتا مەكتەبى, پاۆلودار اۋدانى ميچۋرين بالالار ءۇيى مەن روزوۆ ورتا مەكتەبىنىڭ, كاچير اۋدانىنىڭ فەدەروۆ جانە بەرەگوۆوي ورتا مەكتەپتەرى مۇعالىمدەرىنىڭ قولىمەن جينالعان قازاقستاننىڭ جانە باسقا دا ورتا ازيا مەملەكەتتەرىنىڭ قۇندى قاعازدارى قويىلدى. سونىمەن قاتار, ونىڭ ىشىندە اباي قۇنانباي ۇلى, مۇحتار اۋەزوۆ, شوقان ءۋاليحانوۆ, ىبىراي التىنسارين سىندى ۇلى تۇلعالارىمىزدىڭ سۋرەتتەرى بەينەلەنگەن مەرەيتويلىق مونەتالار دا بار.
«ميچۋرين بالالار ءۇيىنىڭ مۇراجايىنا مۇنداي قۇندى جادىگەرلەردى 2003 جىلدان جيناي باستادىق. ءبىزدىڭ قورىمىزدا قازاقتىڭ كوپتەگەن قۇندى جادىگەرلەرى ساقتالعان. بۇگىنگى كورمەگە ەلىمىز تاۋەلسىزدىك العاننان كەيىنگى اينالىمدا بولعان اقشالاردىڭ بارلىق ءتۇرىن الىپ كەلدىك. بۇدان بولەك, كەڭەس وداعى كەزىندەگى, سونداي-اق ءۇندىستان, يران, امەريكا, گەرمانيا سىندى الىپ ەلدەردىڭ ەرتە كەزدە قولدانعان تەمىر تيىندارىن ۇسىنىپ وتىرمىز», – دەدى ميچۋرين بالالار ءۇيىنىڭ تاربيەشىسى ايجان احمەتشارىپوۆا.
XVIII عاسىردا ءى پەتر پاتشانىڭ تۇسىندا قولدانىلعان ورىس تيىنىن پاۆلودار قالاسىنداعى №5 ورتا مەكتەپتىڭ تاريح ءپانىنىڭ مۇعالىمى ۆيكتور ستولياروۆ الىپ كەلگەن.
«مەن ەرتە كەزدەگى رەسەي يمپەرياسى, قازاقستان رەسپۋبليكاسى جانە ورتا ازيا مەملەكەتتەرىنىڭ مونەتالارى مەن قاعاز اقشالارىن جيناستىردىم. مۇنداعى ەڭ ەسكى مونەتا XIII عاسىرعا تيەسىلى. ال ەڭ ەسكى اقشا ءى پەتر پاتشانىڭ تۇسىندا, ياعني 1721 جىلى جارىققا شىققان», – دەدى ۆيكتور ستولياروۆ.