قوستاناي قالالىق مەشىتىندە كەمەڭگەر اعارتۋشى ىبىراي ءالتىنساريننىڭ تۋعانىنا 175 جىل تولۋىنا وراي شارا ءوتتى. ونى مەشىت وبلىس ورتالىعىنداعى ى.ءالتىنساريننىڭ مەموريالدىق مۇراجايى عىلىمي قىزمەتكەرلەرىمەن بىرىگىپ وتكىزدى. وعان ەلىمىزگە تانىمال عالىمدار مەن وبلىس ورتالىعىنداعى زيالى قاۋىم وكىلدەرى, مەكتەپ وقۋشىلارى, جاستار, جەتىم بالالار شاقىرىلدى. الدىمەن قازاق حىلقىنىڭ ءۇش رۋحاني بايتەرەگىنىڭ ءبىرى ىبىرايدىڭ ارۋاعىنا قۇران باعىشتالدى.
«حالقىمىزدىڭ ەجەلدەن كەلە جاتقان ەڭ ۇلكەن عۇرىپتارىنىڭ ءبىرى – اس بەرۋ. بۇل ۇيىمشىل ەلدىڭ عانا قولىنان كەلەتىنى بەلگىلى. وسىنداي استاردا ءماندى اڭگىمەلەر, تاعىلىمدى سوزدەر ايتىلادى. ءبىزدىڭ نەگىزگى ماقسات – ىبىراي بابامىزدىڭ حالقىنا جاساعان ەڭبەگى تۋرالى جاستارعا كەڭىنەن ءتۇسىندىرۋ», دەدى قالالىق مەشىتتىڭ يمامى شوقان قاجى ءامىرحانوۆ.
استا ىبىرايدى عالىمدار سەرىكباي وسپانوۆ, قالقامان حاسەنوۆ, الماس ابسادىقوۆ ءسوز سويلەپ, اعارتۋشى ءومىرى مەن ەڭبەكتەرىنەن تانىمدىق, تاعىلىمدىق مىسالدار كەلتىردى. ى.التىنسارين مۋزەيىنىڭ ۇىمداستىرۋىمەن اعارتۋشىنىڭ قازاق دالاسىنا مەكتەپ اشۋ ءۇشىن كەلگەن ساپارى تۋرالى ساحنالىق كورىنىستەر كورسەتىلدى.
وسى شارانىڭ وتۋىنە دەمەۋشى بولعان كاسىپكەر قىز «وڭ قولىڭ بەرگەن ساداقانى سول قولىڭ كورمەسىن» دەگەن ۇلاعاتتى ۇستانىمىمەن ءوزىنىڭ اتىن كورسەتپەۋدى ءوتىنىپتى.
ءنازيرا جارىمبەتوۆا,
"ەگەمەن قازاقستان".
قوستاناي