پاريج قالاسىندا «استانا ەكسپو-2017» ۇلتتىق كومپانياسىنىڭ باسقارما توراعاسى احمەتجان ەسىموۆ باسقارعان دەلەگاتسيا حالىقارالىق كورمەلەر بيۋروسىنىڭ 160 باس اسسامبلەياسىنا قاتىستى. بۇل تۋرالى primeminister.kz حابارلادى.
حالىقارالىق كورمەلەر بيۋروسىنىڭ مۇشەلەرى ەكسپو-2017 كورمەسىنە دايىندىقتى جوعارى باعالادى.
«مەيلىنشە ادەمى, قىزىقتى پاۆيلوندارى بار جاقسى كورمە ۇيىمداستىرىپ, قازاقستان مەن ونىڭ ازاماتتارىن ىلگەرىلەتۋ – ءبىزدىڭ باستى باسىمدىقتارىمىزدىڭ ءبىرى. استاناعا الەمنىڭ تۇكپىر-تۇكپىرىنەن جينالعان قوناقتار ءۇش جاڭالىق اشاتىن بولادى – قازاقستان, شىن مانىندە تاماشا مەملەكەت, استانا - جايلاۋ ورتاسىنداعى عاجايىپ جانە ءساتتى وتەتىندىگىنە سەنىم بىلدىرەتىن ەكسپو-2017 كورمەسى», - دەدى حالىقارالىق كورمەلەر بيۋروسىنىڭ باس حاتشىسى ۆيسەنتە لوسسەرتالەس.
بۇگىنگى تاڭدا ەكسپو-2017 كورمەسىنە قاتىساتىندىعىن 106 مەملەكەت پەن 17 حالىقارالىق ۇيىم راستادى. 103 سەكتسيا كوميسسارلارى تاعايىندالدى, 89 قاتىسۋ كەلىسىمشارتىنا قول قويىلدى. ۇلتتىق كۇندى وتكىزۋگە ارنالعان 93 كۇننىڭ 67-ءسى بەكىتىلىپ قويدى. ءبىر اپتادان كەيىن, 2016 جىلدىڭ 1 جەلتوقسانىندا بىرەگەي قىزمەت كورسەتۋ ورتالىعى جۇمىسىن باستايتىن بولادى.